ಕೋಟ: ಹಣಕಾಸಿನ ವ್ಯವಹಾರದ ಹಿನ್ನೆಲೆಯಲ್ಲಿ ತೋಟದ ಮಾಲೀಕ ಮತ್ತು ಕೆಲಸಗಾರರ ಮೇಲೆ ಹಲ್ಲೆ

ಕೋಟದಲ್ಲಿ ರಬ್ಬರ್ ತೋಟದ ಕೆಲಸಗಾರರು ಮತ್ತು ಮಾಲೀಕರ ನಡುವೆ ನಡೆದ ಹಣಕಾಸಿನ ವ್ಯವಹಾರದ ವಿವಾದದ ಹಿನ್ನೆಲೆಯಲ್ಲಿ ಮಾರಕ ಆಯುಧಗಳಿಂದ ಹಲ್ಲೆ ನಡೆಸಿದ ಕುರಿತು ಜಾನಿ ಎಂಬುವವರು ಕೋಟ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.

ದೂರಿನ ಪ್ರಕಾರ, ದಿನಾಂಕ 05/11/2026 ರಂದು ರಾತ್ರಿ 11:30 ರಿಂದ 12:00 ಗಂಟೆಯ ನಡುವೆ ಅಜಯನ್ ಮತ್ತು ಮುರುಳಿ ಎಂಬುವವರು ಪಿರ್ಯಾದಿದಾರರ ತಮ್ಮನ ತೋಟಕ್ಕೆ ಅಕ್ರಮವಾಗಿ ಪ್ರವೇಶಿಸಿ ರಬ್ಬರ್ ಕದಿಯಲು ಪ್ರಯತ್ನಿಸಿದ್ದಾರೆ. ಈ ವೇಳೆ ತೋಟದ ಕೆಲಸಗಾರ ಸುರೇಶ್ ಮತ್ತು ಆರೋಪಿತರ ನಡುವೆ ಮಾತಿನ ಚಕಮಕ್ಕಿ ನಡೆದಿದ್ದು, ಆರೋಪಿತರು ಕೆಲಸಗಾರರಿಗೆ ಅವಾಚ್ಯ ಶಬ್ದಗಳಿಂದ ನಿಂದಿಸಿ ಬೆದರಿಕೆ ಹಾಕಿದ್ದಾರೆ ಎಂದು ತಿಳಿಸಲಾಗಿದೆ.

ವಿಷಯ ತಿಳಿದು ಘಟನಾ ಸ್ಥಳಕ್ಕೆ ಪಿರ್ಯಾದಿದಾರರ ತಮ್ಮ ಆಗಮಿಸಿದಾಗ, ಅಜಯನ್ ಮತ್ತು ಮುರುಳಿ ಚಾಕು ಹಾಗೂ ರಾಡ್‌ಗಳನ್ನು ಹಿಡಿದುಕೊಂಡು ತೋಟದ ಮಾಲೀಕರಾದ ಮ್ಯಾತ್ಯೂಸ್ ಮತ್ತು ಅವರ ಮಗ ಬಿಬಿನ್ ಅವರಿಗೆ ವಿಷಯ ಮುಟ್ಟಿಸಿದ್ದಾರೆ. ತಕ್ಷಣ ಸ್ಥಳಕ್ಕೆ ಆಗಮಿಸಿದ ಮ್ಯಾತ್ಯೂಸ್ ಹಾಗೂ ಬಿಬಿನ್, ಪಿರ್ಯಾದಿದಾರರ ತಮ್ಮನ ಕುತ್ತಿಗೆಗೆ ಮಾರಕ ಆಯುಧದಿಂದ ಬೀಸಿದ್ದಾರೆ. ಈ ವೇಳೆ ಆಯತಪ್ಪಿ ಚಾಕು ಗಲ್ಲಕ್ಕೆ ತಗುಲಿದ ಪರಿಣಾಮ ರಕ್ತಗಾಯವಾಗಿದೆ ಎಂದು ದೂರಿನಲ್ಲಿ ವಿವರಿಸಲಾಗಿದೆ.

ಈ ಘಟನೆಗೆ ಆರೋಪಿತರ ಮತ್ತು ಪಿರ್ಯಾದಿದಾರರ ತಮ್ಮನ ನಡುವೆ ಇರುವ ಹಣಕಾಸಿನ ವ್ಯವಹಾರವೇ ಕಾರಣ ಎಂದು ದೂರಿನಲ್ಲಿ ಆರೋಪಿಸಲಾಗಿದೆ.

ಈ ಸಂಬಂಧ ಕೋಟ ಪೊಲೀಸ್ ಠಾಣೆಯಲ್ಲಿ ಅಪರಾಧ ಕ್ರಮಾಂಕ 177/2026, ಕಲಂ 329(3), 109, 352, 351, 191(2) ಬಿಎನ್‌ಎಸ್ ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.

ತನಿಖೆಯ ನಂತರ ಹೆಚ್ಚಿನ ಮಾಹಿತಿ ಲಭ್ಯವಾಗಲಿದೆ.

ಅಪರಾಧ ಕ್ರಮಾಂಕ 177/2026