ಶಾರ್ಕ್ ಟ್ಯಾಂಕ್ USAನಲ್ಲಿ ಮಡಚುವ ಚಮಚದ ಐಡಿಯಾಗೆ ರಾಹುಲ್ ಅಗರ್ವಾಲ್ ಪಡೆದರು ₹2.9 ಕೋಟಿ ಹೂಡಿಕೆ

ಭಾರತೀಯ ಮೂಲದ ವಿನ್ಯಾಸಕಾರ ರಾಹುಲ್ ಅಗರ್ವಾಲ್ ಅವರು ಅಮೆರಿಕದ ಶಾರ್ಕ್ ಟ್ಯಾಂಕ್ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ತಮ್ಮ ಮಡಚಬಹುದಾದ ಅಳತೆ ಚಮಚದ ವಿನ್ಯಾಸಕ್ಕೆ 3.5 ಲಕ್ಷ ಡಾಲರ್ ಹೂಡಿಕೆ ಗಿಟ್ಟಿಸಿಕೊಂಡಿದ್ದಾರೆ. ಒರಿಗಾಮಿ ಕಲೆಯಿಂದ ಪ್ರೇರಿತವಾದ ಈ ಪಾಲಿಗಾನ್ಸ್ ಉತ್ಪನ್ನವು ಅಡುಗೆ ಮನೆಯಲ್ಲಿ ಜಾಗ ಉಳಿಸುವುದಲ್ಲದೆ, ನಿಖರ ಅಳತೆಗೆ ನೆರವಾಗುತ್ತದೆ. ಅಹಮದಾಬಾದ್‌ನ ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ಡಿಸೈನ್‌ನಲ್ಲಿ ವ್ಯಾಸಂಗ ಮಾಡುತ್ತಿದ್ದಾಗ ಈ ಐಡಿಯಾ ರೂಪಿಸಿದ್ದ ರಾಹುಲ್, ಹಲವು ವರ್ಷಗಳ ಶ್ರಮದ ನಂತರ ಇದೀಗ ಜಾಗತಿಕ ಮನ್ನಣೆ ಪಡೆದಿದ್ದಾರೆ. ಲೋರಿ ಗ್ರೈನರ್ ಮತ್ತು ಮಿಂಡಿ ಕಾಲಿಂಗ್ ಅವರು ಈ ಸ್ಟಾರ್ಟ್ ಅಪ್‌ನಲ್ಲಿ ಹೂಡಿಕೆ ಮಾಡಲು ಒಪ್ಪಂದ ಮಾಡಿಕೊಂಡಿದ್ದಾರೆ.