ಬೆಂಗಳೂರು: ಇ-ಆಸ್ತಿ 2.0 ಜಾರಿ, ಆಸ್ತಿ ವಿಂಗಡಣೆ ನಿಯಮ ಸರಳಗೊಳಿಸಿದ ಕಂದಾಯ ಇಲಾಖೆ

ರಾಜ್ಯದ ಆಸ್ತಿ ದಾಖಲೆಗಳನ್ನು ಸುಲಭಗೊಳಿಸಲು ಕಂದಾಯ ಸಚಿವ ಕೃಷ್ಣ ಬೈರೇಗೌಡ ಅವರು ಇ-ಆಸ್ತಿ 2.0 ವ್ಯವಸ್ಥೆಯನ್ನು ಲೋಕಾರ್ಪಣೆ ಮಾಡಿದ್ದಾರೆ. ಇದರಡಿ ಅರ್ಧ ಎಕರೆವರೆಗಿನ ಜಮೀನಿಗೆ ಮಾಲೀಕರು ಸ್ವಯಂ ಡಿಕ್ಲೇರೇಷನ್ ನೀಡಬಹುದು ಹಾಗೂ ಖಾಸಗಿ ಜಾಗದಲ್ಲಿ ರಸ್ತೆ ನಿರ್ಮಾಣವಾದರೆ ಜಿಬಿಎ ಮೂಲಕ ಪರಿಹಾರ ಪಡೆಯಲು ಅವಕಾಶವಿದೆ. ಲೇಔಟ್ ನಿರ್ಮಾಣಕ್ಕೆ ಶೇ.15ರಷ್ಟು ಜಾಗ ಬಿಟ್ಟುಕೊಡಲು ಸಾಧ್ಯವಾಗದವರು ಸರ್ಕಾರಕ್ಕೆ ಹಣ ಪಾವತಿಸಿ ಅನುಮೋದನೆ ಪಡೆಯಬಹುದು. ಐದು ನಗರ ಪಾಲಿಕೆಗಳಲ್ಲಿ ಮೊದಲ ಹಂತದಲ್ಲಿ ಈ ಯೋಜನೆ ಜಾರಿಗೆ ಬಂದಿದ್ದು, ಆಸ್ತಿ ವಿಂಗಡಣೆಯ ತಾಂತ್ರಿಕ ಸಮಸ್ಯೆಗಳಿಗೆ ಇದು ಪರಿಹಾರ ನೀಡಲಿದೆ.