ಯರಗಟ್ಟಿಯಲ್ಲಿ ಮ್ಯಾಚ್ ಬಾಕ್ಸ್ ಶೋರೂಂ ಆರಂಭಿಸಿದ ಗಾಯಕ ಬಾಳು ಬೆಳಗುಂದಿ

ಸರಿಗಮಪ ಖ್ಯಾತಿಯ ಜನಪದ ಗಾಯಕ ಬಾಳು ಬೆಳಗುಂದಿ ಅವರು ಬೆಳಗಾವಿ ಜಿಲ್ಲೆಯ ಯರಗಟ್ಟಿಯಲ್ಲಿ ಮ್ಯಾಚ್ ಬಾಕ್ಸ್ ಎಂಬ ಹೆಸರಿನ ಬಟ್ಟೆ ಶೋರೂಂ ಅನ್ನು ಪ್ರಾರಂಭಿಸಿದ್ದಾರೆ. ಬಾಗಲಕೋಟೆ ರಸ್ತೆಯ ಸತ್ತಿಗೇರಿ ಕ್ರಾಸ್‌ನಲ್ಲಿ ಆರಂಭವಾಗಿರುವ ಈ ಮಳಿಗೆಯ ಉದ್ಘಾಟನಾ ಸಮಾರಂಭಕ್ಕೆ ಹನುಮಂತ ಲಮಾಣಿ, ಮಾಳು ನಿಪನಾಳ, ಬೊಂಬಾಟ್ ಬಸಣ್ಣ ಸೇರಿದಂತೆ ಉತ್ತರ ಕರ್ನಾಟಕದ ಒಟ್ಟು 9 ಜನ ಗಾಯಕರು ಆಗಮಿಸಿದ್ದರು. ಗಾಯಕರ ಆಗಮನದಿಂದಾಗಿ ಉದ್ಘಾಟನಾ ಸ್ಥಳದಲ್ಲಿ ಜಾತ್ರೆಯ ವಾತಾವರಣ ನಿರ್ಮಾಣವಾಗಿತ್ತು. ಭವಿಷ್ಯದಲ್ಲಿ ಉದ್ಯಮವನ್ನು ವಿಸ್ತರಿಸುವ ಗುರಿ ಹೊಂದಿರುವ ಬಾಳು ಬೆಳಗುಂದಿ, ತಮ್ಮ ಗಾಯನ ವೃತ್ತಿಯ ಜೊತೆಗೆ ಸ್ವಾವಲಂಬಿ ಬದುಕಿಗಾಗಿ ಈ ಹೊಸ ಉದ್ಯಮದ ಮೆಟ್ಟಿಲೇರಿದ್ದಾರೆ.