ಶಂಕರಾಭರಣ ಸಿನಿಮಾ ಪ್ರಚಾರಕ್ಕಾಗಿ ಬಸ್ಸಿನಲ್ಲೇ ವಾಸಿಸುತ್ತಿರುವ ನಟ ಶೈನ್ ಶೆಟ್ಟಿ

ನಟ ಶೈನ್ ಶೆಟ್ಟಿ ತಮ್ಮ ಹೊಸ ಚಿತ್ರ ಶಂಕರಾಭರಣದ ಪ್ರಚಾರಕ್ಕಾಗಿ ರಾಜ್ಯಾದ್ಯಂತ ಬಸ್ ಪ್ರವಾಸ ಕೈಗೊಂಡಿದ್ದಾರೆ. ಕಳೆದ ಒಂದು ತಿಂಗಳಿನಿಂದ ಬಸ್ಸನ್ನೇ ಮನೆಯನ್ನಾಗಿ ಮಾಡಿಕೊಂಡಿರುವ ಅವರು, ಈವರೆಗೆ ಒಂಬತ್ತು ಜಿಲ್ಲೆಗಳನ್ನು ಸುತ್ತಿ ಹತ್ತನೇ ಜಿಲ್ಲೆಯ ಪ್ರವಾಸದಲ್ಲಿದ್ದಾರೆ. ನವೆಂಬರ್ 20 ರಂದು ರಾಜ್ಯಾದ್ಯಂತ ಬಿಡುಗಡೆಯಾಗಲಿರುವ ಈ ಚಿತ್ರದ ಮೂಲಕ ಬಿಗ್ ಬಾಸ್ ವಿಜೇತರನ್ನಾಗಿ ಮಾಡಿದ ಕನ್ನಡಿಗರಿಗೆ ಕೃತಜ್ಞತೆ ಸಲ್ಲಿಸುವುದು ತಮ್ಮ ಉದ್ದೇಶ ಎಂದು ಅವರು ತಿಳಿಸಿದ್ದಾರೆ. ಬಸ್ಸಿಗೆ ಇಟ್ಟಿದ್ದ ಹೆಸರೇ ಚಿತ್ರಕ್ಕೂ ಸೂಕ್ತವೆಂದು ಭಾವಿಸಿ ಶಂಕರಾಭರಣ ಎಂದು ನಾಮಕರಣ ಮಾಡಲಾಗಿದೆ ಎಂದು ಶೈನ್ ಶೆಟ್ಟಿ ವಿವರಿಸಿದ್ದಾರೆ.