ನಿಟ್ಟೆ : ಅ.7ರಂದು ಸಂಗೀತಾಸಕ್ತರನ್ನು ರಂಜಿಸಲಿರುವ ‘ಸಂಗೀತಾಮೃತ’

ಭಾರತೀಯ ಶಾಸ್ತ್ರೀಯ ಸಂಗೀತದ ವೈಶಿಷ್ಟ್ಯವನ್ನು ಯುವ ಪೀಳಿಗೆಗೆ ತಲುಪಿಸುವ ಹಾಗೂ ಸಂಗೀತ ಪ್ರಿಯರಿಗೆ ವಿಶೇಷ ಅನುಭವವನ್ನು ನೀಡುವ ನಿಟ್ಟಿನಲ್ಲಿ, ನಿಟ್ಟೆ ವಿಶ್ವವಿದ್ಯಾಲಯದ ಅಂಗಸಂಸ್ಥೆಯಾದ ನಿಟ್ಟೆ ಮಹಾಲಿಂಗ ಅಡ್ಯಂತಾಯ ಸ್ಮಾರಕ ತಾಂತ್ರಿಕ ಮಹಾವಿದ್ಯಾಲಯದ ‘ಕಲಾಸಂಗಮ’ ವಿದ್ಯಾರ್ಥಿ ಕ್ಲಬ್ ಸಹಯೋಗದೊಂದಿಗೆ ಅ.7ರಂದು ‘ಸಂಗೀತಾಮೃತ’ ಸಂಗೀತ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ.

ನಿಟ್ಟೆ ತಾಂತ್ರಿಕ ಮಹಾವಿದ್ಯಾಲಯದ ಸಂಭ್ರಮ ಆಡಿಟೋರಿಯಂನಲ್ಲಿ ಮಧ್ಯಾಹ್ನ 2ರಿಂದ ಸಂಜೆ 4.30ರವರೆಗೆ ನಡೆಯಲಿರುವ ಈ ಕಾರ್ಯಕ್ರಮದಲ್ಲಿ ಗೋಲ್ಡನ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ಸ್ ಖ್ಯಾತಿಯ ವಿದುಷಿ ಸಂಗೀತಾ ಬಾಲಚಂದ್ರ ಅವರು ಸಂಗೀತ ಪ್ರಸ್ತುತಿ ನೀಡಲಿದ್ದಾರೆ.

ವಿದುಷಿ ಸಂಗೀತಾ ಬಾಲಚಂದ್ರ ಅವರಿಗೆ ಗುರುರಾಜ್ ಎಂ.ಬಿ. (ಕೀಬೋರ್ಡ್), ಪ್ರಭಾಕರ್ ಅಮ್ಮನಗೋಡ (ರಿದಮ್ ಪ್ಯಾಡ್), ಸಮರ್ಥ್ ಶೆಣೈ (ಕೊಳಲು) ಮತ್ತು ಪ್ರದೀಪ್ ಆಚಾರ್ಯ (ತಬಲಾ) ಅವರು ಸಹವಾದ್ಯದ ಮೂಲಕ ಸಾಥ್ ನೀಡಲಿದ್ದಾರೆ.

ಸಂಗೀತಾಸಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಂಡು ಕಾರ್ಯಕ್ರಮದ ಸೊಬಗನ್ನು ಸವಿಯುವಂತೆ ಆಯೋಜಕರು ಕೋರಿದ್ದಾರೆ. ಅಲ್ಲದೆ, ಈ ಕಾರ್ಯಕ್ರಮವನ್ನು @NMAMInstituteofTechnology ಯೂಟ್ಯೂಬ್ ಚಾನೆಲ್‌ನಲ್ಲಿ ನೇರಪ್ರಸಾರ ಮಾಡಲಾಗುವುದು ಎಂದು ಪತ್ರಿಕಾ ಪ್ರಕಟಣೆಯಲ್ಲಿ ಮಾಹಿತಿ ನೀಡಲಾಗಿದೆ.