ವಿಜಯಪುರದ ನೆಹರು ನಗರದಲ್ಲಿ ಗರ್ಭಿಣಿ ಪತ್ನಿಯ ಎದುರೇ ಯಾಸೀನ್ ಜುಬೇರಿ ಹತ್ಯೆ

ವಿಜಯಪುರದ ನೆಹರು ನಗರದಲ್ಲಿರುವ ಮುಂಡೆವಾಡಿ ಆಸ್ಪತ್ರೆಯ ಸಮೀಪ ದುಷ್ಕರ್ಮಿಗಳು ಯಾಸೀನ್ ಜುಬೇರಿ ಎಂಬಾತನನ್ನು ಗುಂಡಿಕ್ಕಿ ಕೊಲೆ ಮಾಡಿದ್ದಾರೆ. ತನ್ನ ಗರ್ಭಿಣಿ ಪತ್ನಿಯನ್ನು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ಕರೆತಂದಿದ್ದ ಸಂದರ್ಭದಲ್ಲಿ ಈ ದಾಳಿ ನಡೆದಿದೆ. ಸುಮಾರು ಮೂರು ಸುತ್ತು ಗುಂಡು ಹಾರಿಸಿರುವ ಸಾಧ್ಯತೆಯಿದ್ದು, ಘಟನಾ ಸ್ಥಳದಲ್ಲೇ ಯಾಸೀನ್ ಮೃತಪಟ್ಟಿದ್ದಾರೆ. ಗಾಂಧಿಚೌಕ್ ಪೊಲೀಸ್ ಠಾಣೆಯ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದು, ಮೃತದೇಹವನ್ನು ಜಿಲ್ಲಾ ಆಸ್ಪತ್ರೆಗೆ ರವಾನಿಸಿದ್ದಾರೆ.