ಸಕಲೇಶಪುರ: ಟೈಯರ್ ಸಿಡಿದು ಲಾರಿ ಪಲ್ಟಿ, ರಸ್ತೆ ಬಿದ್ದಿದ್ದ ಸಿಮೆಂಟ್ ಮೂಟೆಗಳ ಲೂಟಿ

ಹಾಸನದ ಸಕಲೇಶಪುರ ಸಮೀಪದ ಗುಳಗಳಲೆ ಗ್ರಾಮದ ಬಳಿ ಬೆಂಗಳೂರಿನಿಂದ ಮಂಗಳೂರಿಗೆ ಹೊರಟಿದ್ದ ಲಾರಿಯ ಟೈಯರ್ ಒಡೆದು ವಾಹನ ಪಲ್ಟಿಯಾಗಿದೆ. ಈ ಅವಘಡದಲ್ಲಿ ಜಾರ್ಖಂಡ್ ಮೂಲದ ಚಾಲಕ ರಾಜೇಶ್ ಯಾದವ್ ಗಂಭೀರವಾಗಿ ಗಾಯಗೊಂಡಿದ್ದು, ಅವರನ್ನು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ಸೇರಿಸಲಾಗಿದೆ. ಅಪಘಾತದ ನಂತರ ಸ್ಥಳದಲ್ಲಿ ಚೆಲ್ಲಾಪಿಲ್ಲಿಯಾಗಿದ್ದ ಸಿಮೆಂಟ್ ಚೀಲಗಳನ್ನು ಸಾರ್ವಜನಿಕರು ಟ್ರ್ಯಾಕ್ಟರ್ ಸೇರಿದಂತೆ ವಿವಿಧ ವಾಹನಗಳಲ್ಲಿ ತುಂಬಿಕೊಂಡು ಹೋಗಿದ್ದಾರೆ. ಘಟನೆ ನಡೆದು ಒಂದು ದಿನ ಕಳೆದರೂ ಮಾಲೀಕರು ಬಾರದ ಕಾರಣ ರಾತ್ರಿಯ ವೇಳೆ ಅಪರಿಚಿತರು ಸಿಮೆಂಟ್ ಮೂಟೆಗಳನ್ನು ಕಳ್ಳತನ ಮಾಡಿದ್ದಾರೆ. ಸಕಲೇಶಪುರ ಗ್ರಾಮಾಂತರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದೆ.