ಹಾಸನ: ಜಿಲ್ಲಾ ಖಜಾನೆಯಿಂದ ಹಾಸನಾಂಬ ದೇವಾಲಯಕ್ಕೆ ದೇವಿಯ ಒಡವೆಗಳ ಮೆರವಣಿಗೆ

ಅಕ್ಟೋಬರ್ 29 ರಿಂದ ನವೆಂಬರ್ 11 ರವರೆಗೆ ನಡೆಯಲಿರುವ ಹಾಸನಾಂಬ ಜಾತ್ರಾ ಮಹೋತ್ಸವದ ಅಂಗವಾಗಿ, ದೇವಿಯ ಒಡವೆಗಳನ್ನು ಇಂದು ಜಿಲ್ಲಾ ಖಜಾನೆಯಿಂದ ದೇವಾಲಯಕ್ಕೆ ಸ್ಥಳಾಂತರಿಸಲಾಯಿತು. ಎಸಿ ಜಗದೀಶ್ ಗಂಗಣ್ಣನವರ್, ತಹಶೀಲ್ದಾರ್ ಗೀತಾ ಮತ್ತು ಪ್ರಧಾನ ಅರ್ಚಕ ನಾಗರಾಜ್ ಅವರು ಒಡವೆಗಳ ಪೆಟ್ಟಿಗೆಗೆ ಪೂಜೆ ಸಲ್ಲಿಸಿದ ನಂತರ ಮೆರವಣಿಗೆ ಆರಂಭವಾಯಿತು. ಸಾಲಗಾಮೆ ರಸ್ತೆಯ ಖಜಾನೆಯಿಂದ ಹೊರಟ ಒಡವೆಗಳ ರಥವು ಆರ್.ಸಿ. ರಸ್ತೆ, ಎನ್.ಆರ್.ವೃತ್ತ ಮತ್ತು ಗಾಂಧಿ ಬಜಾರ್ ಮೂಲಕ ದೇವಾಲಯವನ್ನು ತಲುಪಿತು. ಈ ಸಂದರ್ಭದಲ್ಲಿ ಯಾವುದೇ ಅಹಿತಕರ ಘಟನೆ ನಡೆಯದಂತೆ ಬಿಗಿ ಪೊಲೀಸ್ ಭದ್ರತೆಯನ್ನು ಒದಗಿಸಲಾಗಿತ್ತು.