ಚೆನ್ನೈ: ಚುನಾವಣಾ ಆಯೋಗದ ಸಭೆಯಿಂದ ಟಿವಿಕೆ ಮತ್ತು ಡಿಎಂಕೆ ಸೇರಿದಂತೆ 9 ಪಕ್ಷಗಳ ಬಹಿಷ್ಕಾರ

ತಮಿಳುನಾಡಿನ ಮುಖ್ಯ ಚುನಾವಣಾಧಿಕಾರಿ ಅರ್ಚನಾ ಪಟ್ನಾಯಕ್ ಕರೆದಿದ್ದ ವಿಶೇಷ ವಾರ್ಷಿಕ ಪರಿಷ್ಕರಣೆ ಸಭೆಯನ್ನು 12 ರಾಜಕೀಯ ಪಕ್ಷಗಳ ಪೈಕಿ 9 ಪಕ್ಷಗಳು ವಿರೋಧಿಸಿ ಹೊರನಡೆದಿವೆ. ಕಳೆದ ವರ್ಷ ನಡೆದ ವಿಶೇಷ ಸಮಗ್ರ ಪರಿಷ್ಕರಣೆಯಲ್ಲಿ ನಡೆದ ಲೋಪದೋಷಗಳನ್ನು ಸರಿಪಡಿಸದ ಕಾರಣಕ್ಕೆ ಟಿವಿಕೆ, ಡಿಎಂಕೆ, ಕಾಂಗ್ರೆಸ್ ಸೇರಿದಂತೆ ಹಲವು ಪಕ್ಷಗಳು ಅಸಮಾಧಾನ ವ್ಯಕ್ತಪಡಿಸಿವೆ. ಅರ್ಹ ಮತದಾರರ ಹೆಸರುಗಳನ್ನು ಪಟ್ಟಿಯಿಂದ ತೆಗೆದುಹಾಕಲಾಗಿದೆ ಎಂದು ಆರೋಪಿಸಿರುವ ಡಿಎಂಕೆ ನಾಯಕ ಐ. ಪರಂತಾಮನ್, ಮುಖ್ಯ ಚುನಾವಣಾ ಆಯುಕ್ತರು ರಾಜೀನಾಮೆ ನೀಡಬೇಕೆಂದು ಆಗ್ರಹಿಸಿದ್ದಾರೆ. ನವೆಂಬರ್ 12ರಿಂದ ರಾಜ್ಯದಲ್ಲಿ ಮತದಾರರ ಪಟ್ಟಿ ಪರಿಷ್ಕರಣೆ ಪ್ರಕ್ರಿಯೆ ಆರಂಭವಾಗಲಿದೆ.