ಸೂರತ್: 20 ನೌಕರರಿಗೆ ತಲಾ 1 ಲಕ್ಷ ರೂಪಾಯಿ ದೀಪಾವಳಿ ಬೋನಸ್ ನೀಡಿದ ಉದ್ಯಮಿ ರಾಮಸ್ವರೂಪ್ ಮುಂಡೆ

ಸೂರತ್‌ನ ಮೋಟಾ ವರಾಚಾ ಪ್ರದೇಶದ ಜವಳಿ ಉದ್ಯಮಿ ರಾಮಸ್ವರೂಪ್ ಮುಂಡೆ ತಮ್ಮ ಸಂಸ್ಥೆಯ 20 ಉದ್ಯೋಗಿಗಳಿಗೆ ದೀಪಾವಳಿ ಪ್ರಯುಕ್ತ ತಲಾ 1 ಲಕ್ಷ ರೂಪಾಯಿ ಬೋನಸ್ ನೀಡಿದ್ದಾರೆ. ಪೂಜಾ ಥಾಲಿಯಲ್ಲಿ ಹೊಸ ನೋಟುಗಳ ಬಂಡಲ್‌ಗಳನ್ನು ಇರಿಸಿ ತಮ್ಮ ಪತ್ನಿಯ ಮೂಲಕ ಉದ್ಯೋಗಿಗಳಿಗೆ ತಲುಪಿಸುವಂತೆ ವ್ಯವಸ್ಥೆ ಮಾಡಿದರು. ಈ ವಿಭಿನ್ನ ಹಾಗೂ ವಿಶೇಷ ಉಡುಗೊರೆಯನ್ನು ಸ್ವೀಕರಿಸಿದ ಸಿಬ್ಬಂದಿ ಭಾವುಕರಾಗಿ ಕಣ್ಣೀರು ಹಾಕಿದರು. ಮಹಿಳಾ ಉದ್ಯೋಗಿಗಳಿಗೆ ಯಾವಾಗಲೂ ಬೆಂಬಲವಾಗಿರುವುದಾಗಿ ಈ ಸಂದರ್ಭದಲ್ಲಿ ಉದ್ಯಮಿ ಭರವಸೆ ನೀಡಿದರು.