ಖೇಡಾ: ಗರ್ಭಿಣಿ ಪತ್ನಿಯ ಕೊಲೆಗೆ ಮುನ್ನ ಗೂಗಲ್‌ನಲ್ಲಿ ಪರಿಣಾಮ ಹುಡುಕಿದ್ದ ಪತಿ ಮಿತುಲ್ ಸೋಧಾ
ಗರ್ಭಿಣಿ ಪತ್ನಿಯ ಚಾರಿತ್ರ್ಯ ಶಂಕಿಸಿ ಬಲವಂತವಾಗಿ ರಸಗೊಬ್ಬರದ ವಿಷಕಾರಿ ದ್ರಾವಣ ಕುಡಿಸಿ, ಬಳಿಕ ಅದನ್ನು ಆತ್ಮಹತ್ಯೆ ಎಂದು ಬಿಂಬಿಸಲು ಗೂಗಲ್ ಸರ್ಚ್ ಬಳಸಿ ಕೃತ್ಯ ಎಸಗಿದ ದಾರುಣ ಘಟನೆ ಗುಜರಾತ್‌ನ ಖೇಡಾ ಜಿಲ್ಲೆಯ ಮಹುಧಾ...
ಗುಜರಾತ್‌ನ ಖೇಡಾ ಜಿಲ್ಲೆಯ ಮಹುಧಾ ಪ್ರದೇಶದಲ್ಲಿ 13 ವಾರಗಳ ಗರ್ಭಿಣಿ ಅರುಣಾಬೆನ್ ಸೋಧಾ ಅವರ ಹತ್ಯೆ ಪ್ರಕರಣ ಬೆಳಕಿಗೆ ಬಂದಿದೆ. ಹೊಟ್ಟೆನೋವಿನಿಂದ ಬಳಲುತ್ತಿದ್ದ ಪತ್ನಿ ಚಿಕಿತ್ಸೆ ಕೇಳಿದಾಗ ನಿರ್ಲಕ್ಷಿಸಿದ ಪತಿ ಮಿತುಲ್, ಆಕೆ ಸತ್ತರೆ ತನಗೆ ಶಿಕ್ಷೆಯಾಗುತ್ತದೆಯೇ ಎಂದು ಗೂಗಲ್‌ನಲ್ಲಿ ಹುಡುಕಾಟ ನಡೆಸಿದ್ದಾನೆ. ನಂತರ ಅತ್ತೆ ಮತ್ತು ನಾದಿನಿಯ ಸಹಾಯದಿಂದ ಅರುಣಾಬೆನ್ ಬಾಯಿಗೆ ವಿಷಕಾರಿ ನ್ಯಾನೋ ಯೂರಿಯಾ ಸುರಿದು ಕೊಲೆ ಮಾಡಿ, ಆತ್ಮಹತ್ಯೆಯಂತೆ ಬಿಂಬಿಸಲು ಶವವನ್ನು ನೇಣು ಹಾಕಿದ್ದಾರೆ. ಮರಣೋತ್ತರ ಪರೀಕ್ಷೆಯಲ್ಲಿ ವಿಷ ಸೇವನೆಯಿಂದ ಸಾವು ಸಂಭವಿಸಿರುವುದು ದೃಢಪಟ್ಟಿದ್ದು, ಮಿತುಲ್ ಸೋಧಾ ಮತ್ತು ವಿಪುಲ್ ಸೋಧಾ ಎಂಬುವವರನ್ನು ಪೊಲೀಸರು ಬಂಧಿಸಿದ್ದಾರೆ.
