ಬೆಂಗಳೂರಿನಲ್ಲಿ ಐಟಿ ಉದ್ಯೋಗ ತೊರೆದ ದಂಪತಿಯಿಂದ ವೆಲ್‌ಫೆಡ್ ಮೂಲಕ 1,500 ಜನರಿಗೆ ಮನೆಯೂಟ
ಬೆಂಗಳೂರಿನ ಐಟಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದ ದಂಪತಿ ತಮ್ಮ ಉದ್ಯೋಗಕ್ಕೆ ರಾಜೀನಾಮೆ ನೀಡಿ, ಆರೋಗ್ಯಕರ ಹಾಗೂ ಮನೆಯೂಟದ ರುಚಿಯ ಆಹಾರ ನೀಡುವ ಉದ್ಯಮ ಆರಂಭಿಸಿದ್ದಾರೆ. ಕೇವಲ ₹15 ಲಕ್ಷ ಬಂಡವಾಳದೊಂದಿಗೆ ಶುರುವಾದ ಇವರ ಉ...
ಬೆಂಗಳೂರಿನ ದಿಯಾ ಕೃಷ್ಣಕುಮಾರ್ ಮತ್ತು ಆದಿತ್ಯ ನಟರಾಜನ್ ಎಂಬ ಟೆಕ್ಕಿ ದಂಪತಿ ತಮ್ಮ ಉದ್ಯೋಗಕ್ಕೆ ರಾಜೀನಾಮೆ ನೀಡಿ ವೆಲ್‌ಫೆಡ್ ಎಂಬ ಆಹಾರ ಸೇವೆಯನ್ನು ಆರಂಭಿಸಿದ್ದಾರೆ. 15 ಲಕ್ಷ ರೂಪಾಯಿ ಬಂಡವಾಳದಲ್ಲಿ ಶುರುವಾದ ಈ ಸ್ಟಾರ್ಟ್ ಅಪ್ ಕೇವಲ 9 ತಿಂಗಳಲ್ಲಿ 56 ಲಕ್ಷ ರೂಪಾಯಿ ಆದಾಯ ಗಳಿಸಿದೆ. ಪ್ಲಾಸ್ಟಿಕ್ ಬದಲು ಸ್ಟೀಲ್ ಡಬ್ಬಿಗಳನ್ನು ಬಳಸಿ ಆರೋಗ್ಯಕರ ಭಾರತೀಯ ಶೈಲಿಯ ಊಟವನ್ನು ಗ್ರಾಹಕರಿಗೆ ತಲುಪಿಸುತ್ತಿರುವ ಇವರು, ಇಲ್ಲಿಯವರೆಗೆ 1,500ಕ್ಕೂ ಹೆಚ್ಚು ಗ್ರಾಹಕರಿಗೆ 55 ಸಾವಿರಕ್ಕೂ ಅಧಿಕ ಊಟದ ಪೊಟ್ಟಣಗಳನ್ನು ಪೂರೈಸಿದ್ದಾರೆ. ಕೆಲಸದ ಒತ್ತಡದಿಂದಾಗಿ ಮನೆಯೂಟ ಸಿಗದೆ ಕಷ್ಟಪಡುತ್ತಿದ್ದ ಉದ್ಯೋಗಿಗಳಿಗೆ ಅನುಕೂಲವಾಗುವಂತೆ ಇವರು ವಿವಿಧ ಸಬ್‌ಸ್ಕ್ರಿಪ್ಷನ್ ಯೋಜನೆಗಳನ್ನು ಪರಿಚಯಿಸಿದ್ದಾರೆ.
