ತೆಲಂಗಾಣ: ₹10ರ 12,300 ನಾಣ್ಯ ನೀಡಿ ₹1.23 ಲಕ್ಷದ ಸ್ಕೂಟಿ ಖರೀದಿಸಿದ ವ್ಯಕ್ತಿ

ತೆಲಂಗಾಣದ ಲಕ್ಷೆಟ್ಟಿಪೇಟೆಯ ನಿವಾಸಿ ಬಾಸಾರಿ ರವಿ ಜೋಸೆಫ್ ಅವರು ಸುಮಾರು 12,300 ನಾಣ್ಯಗಳನ್ನು ನೀಡಿ ಹೊಸ ಸ್ಕೂಟರ್ ಖರೀದಿಸುವ ಮೂಲಕ ಗಮನ ಸೆಳೆದಿದ್ದಾರೆ. ಪಾದ್ರಿಯಾಗಿರುವ ಇವರು ಕಳೆದ ಮೂರು ವರ್ಷಗಳಿಂದ ತಲಾ ₹10 ಮುಖಬೆಲೆಯ ನಾಣ್ಯಗಳನ್ನು ಉಳಿತಾಯ ಮಾಡಿದ್ದರು. ಒಟ್ಟು ₹1.23 ಲಕ್ಷ ಮೌಲ್ಯದ ನಾಣ್ಯಗಳನ್ನು ಚೀಲಗಳಲ್ಲಿ ತುಂಬಿಕೊಂಡು ಜಗದಂಬಾ ಹೋಂಡಾ ಶೋ ರೂಂಗೆ ಹೋದಾಗ, ಸಿಬ್ಬಂದಿ ಎರಡು ಗಂಟೆಗಳ ಕಾಲ ಶ್ರಮಪಟ್ಟು ಹಣವನ್ನು ಎಣಿಕೆ ಮಾಡಿದರು. ನಾಣ್ಯಗಳ ಮೂಲಕವೇ ವಾಹನ ಖರೀದಿಸಿದ ಇವರ ವಿಶಿಷ್ಟ ಉಳಿತಾಯದ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.