ಮಧುರೈ: ಆಗಮ ದೇವಾಲಯ ಪ್ರವೇಶಕ್ಕೆ ಅನ್ಯಧರ್ಮೀಯರಿಗೆ ಹೊಸ ನಿಯಮ ಜಾರಿ

ತಮಿಳುನಾಡಿನ ಆಗಮ ಶಾಸ್ತ್ರದ ಆಧಾರದಲ್ಲಿ ಪೂಜೆ ನಡೆಯುವ ದೇವಾಲಯಗಳಿಗೆ ಪ್ರವೇಶ ಪಡೆಯುವ ಅನ್ಯಧರ್ಮೀಯರಿಗೆ ಮದ್ರಾಸ್ ಹೈಕೋರ್ಟ್ ಕಠಿಣ ನಿಬಂಧನೆ ವಿಧಿಸಿದೆ. ಇನ್ನು ಮುಂದೆ ಹಿಂದೂಯೇತರರು ದೇವತೆಯ ಮೇಲಿನ ಭಕ್ತಿ ಹಾಗೂ ದೇವಾಲಯದ ಸಂಪ್ರದಾಯಗಳನ್ನು ಗೌರವಿಸುವುದಾಗಿ ಘೋಷಣಾಪತ್ರಕ್ಕೆ ಸಹಿ ಹಾಕುವುದು ಕಡ್ಡಾಯವಾಗಿದೆ. ಈ ನಿಯಮವು ಕೇವಲ ಧ್ವಜಸ್ತಂಭದ ಒಳಭಾಗಕ್ಕೆ ಮಾತ್ರವಲ್ಲದೆ ಇಡೀ ದೇವಾಲಯದ ಆವರಣಕ್ಕೆ ಅನ್ವಯಿಸಲಿದೆ ಎಂದು ನ್ಯಾಯಮೂರ್ತಿಗಳಾದ ಜಿ.ಆರ್. ಸ್ವಾಮಿನಾಥನ್ ಮತ್ತು ಪಿ. ಮುರುಗನ್ ಅವರ ಪೀಠ ತಿಳಿಸಿದೆ. ಈ ಆದೇಶವು ಶಬರಿಮಲೆ ಮತ್ತು ಶಿರಡಿ ಸಾಯಿಬಾಬಾ ದೇವಸ್ಥಾನದಂತಹ ಸಾರ್ವತ್ರಿಕ ದೇವಾಲಯಗಳಿಗೆ ಅನ್ವಯಿಸುವುದಿಲ್ಲ ಎಂದು ನ್ಯಾಯಾಲಯ ಸ್ಪಷ್ಟಪಡಿಸಿದೆ.