ಮೈಸೂರು ಬನ್ನಿಮಂಟಪದಲ್ಲಿ ಮಳೆಯ ಕಾರಣಕ್ಕೆ ಸ್ಥಗಿತಗೊಂಡ ಸೂರ್ಯ ಕಿರಣ್ ಏರ್ ಶೋ
ಮೈಸೂರು: ವಿಶ್ವವಿಖ್ಯಾತ ಮೈಸೂರು ದಸರಾ 2026ರ ಪ್ರಮುಖ ಆಕರ್ಷಣೆಯಾಗಿದ್ದ ಭಾರತೀಯ ವಾಯುಪಡೆಯ ‘ಸೂರ್ಯ ಕಿರಣ್ ಏರೋಬ್ಯಾಟಿಕ್ಸ್’ ಸಾಹಸ ಪ್ರದರ್ಶನವು ಹವಾಮಾನ ವೈಪರೀತ್ಯದಿಂದಾಗಿ ಭಾನುವಾರ ಅರ್ಧದಲ್ಲೇ ಸ್ಥಗಿತಗೊಂಡಿತು.ಇಂದು...
ಮೈಸೂರಿನ ಬನ್ನಿಮಂಟಪ ಮೈದಾನದಲ್ಲಿ ಭಾನುವಾರ ಆಯೋಜಿಸಲಾಗಿದ್ದ ಸೂರ್ಯ ಕಿರಣ್ ವೈಮಾನಿಕ ಸಾಹಸ ಪ್ರದರ್ಶನವು ಹವಾಮಾನ ವೈಪರೀತ್ಯದ ಕಾರಣದಿಂದಾಗಿ ಅರ್ಧದಲ್ಲೇ ನಿಂತುಹೋಗಿದೆ. ಬೆಳಗ್ಗೆ 11 ಗಂಟೆಗೆ ಆರಂಭವಾದ ಈ ಪ್ರದರ್ಶನದಲ್ಲಿ ಒಟ್ಟು 9 ವಿಮಾನಗಳು ಭಾಗವಹಿಸಿದ್ದವು, ಆದರೆ ಮಳೆ ಮತ್ತು ಮೋಡ ಕವಿದ ವಾತಾವರಣದ ಹಿನ್ನೆಲೆಯಲ್ಲಿ ಕೇವಲ ಮೂರು ಸುತ್ತಿನ ಹಾರಾಟದ ನಂತರ ವಿಮಾನಗಳು ಬೆಂಗಳೂರಿನ ಯೆಲಹಂಕ ವಾಯುನೆಲೆಗೆ ಮರಳಿದವು. ಇದರಿಂದಾಗಿ ಕಾರ್ಯಕ್ರಮ ನೋಡಲು ಕಾದು ಕುಳಿತಿದ್ದ ಸಾವಿರಾರು ಪ್ರೇಕ್ಷಕರಿಗೆ ನಿರಾಸೆಯಾಗಿದೆ. ಹವಾಮಾನ ಸುಧಾರಿಸಿದರೆ ನಾಳೆ ಪೂರ್ಣ ಪ್ರಮಾಣದ ಪ್ರದರ್ಶನ ನಡೆಯಲಿದೆ ಎಂದು ವಾಯುಪಡೆ ಸಿಬ್ಬಂದಿ ತಿಳಿಸಿದ್ದಾರೆ.
