ಚಂದ್ರ ಚಕೋರಿ ಚಿತ್ರದ ಯಶಸ್ಸಿಗೆ ಕಾರಣವಾದ ವಿವಾದದ ಹಿನ್ನೆಲೆ ಬಿಚ್ಚಿಟ್ಟ ಎಸ್.ನಾರಾಯಣ

ನಿರ್ಮಾಪಕ ಹೆಚ್.ಡಿ. ಕುಮಾರಸ್ವಾಮಿ ಅವರ ಚಂದ್ರ ಚಕೋರಿ ಚಿತ್ರ ಬಿಡುಗಡೆಯಾದಾಗ ಪ್ರದರ್ಶಕರು ಮತ್ತು ನಿರ್ಮಾಪಕರ ನಡುವಿನ ಸರ್ವೀಸ್ ಟ್ಯಾಕ್ಸ್ ವಿವಾದದಿಂದಾಗಿ ಯಾವುದೇ ಪ್ರಚಾರ ಸಿಕ್ಕಿರಲಿಲ್ಲ. ಆದರೆ ಕಥೆ ಮತ್ತು ಹಾಡುಗಳ ಗುಣಮಟ್ಟದಿಂದ ಪ್ರೇಕ್ಷಕರ ಮೌತ್ ಟಾಕ್ ಮೂಲಕ ಸಿನಿಮಾ ಭರ್ಜರಿ ಯಶಸ್ಸು ಕಂಡಿತು. ಈ ಚಿತ್ರವು ಬೆಳಗಾವಿಯ ಪ್ರಕಾಶ್ ಥಿಯೇಟರ್‌ನಲ್ಲಿ 500 ದಿನಗಳ ಕಾಲ ಪ್ರದರ್ಶನಗೊಂಡು ದಾಖಲೆ ಸೃಷ್ಟಿಸಿತು. ರಾಜ್ಯಾದ್ಯಂತ 43 ವಾರಗಳಿಗೂ ಹೆಚ್ಚು ಕಾಲ ಪ್ರದರ್ಶನ ಕಂಡು ರಜತ ಮಹೋತ್ಸವ ಆಚರಿಸಿದ ಈ ಸಿನಿಮಾ, ಬಂಗಾರದ ಮನುಷ್ಯ ಚಿತ್ರದ ನಂತರ ಸುದೀರ್ಘ ಓಟ ಕಂಡ ಕೀರ್ತಿಗೆ ಪಾತ್ರವಾಯಿತು.