ಸಾಲ ವ್ಯವಸ್ಥೆಯಲ್ಲಿ ಮಹತ್ವದ ಬದಲಾವಣೆ, ರಿಸರ್ವ್ ಬ್ಯಾಂಕ್ ಕರಡು ಮಾರ್ಗಸೂಚಿ ಪ್ರಕಟ

ಹೊಸದಿಲ್ಲಿ : ಸಾಲ ವ್ಯವಸ್ಥೆಯಲ್ಲಿ ಮಹತ್ವದ ಬದಲಾವಣೆ, ರಿಸರ್ವ್ ಬ್ಯಾಂಕ್ ಕರಡು ಮಾರ್ಗಸೂಚಿ ಪ್ರಕಟ ಯಾವುದೇ ಸಾಲ ಅಥವಾ ಕ್ರೆಡಿಟ್ ಕಾರ್ಡ್ ಪೇಮೆಂಟ್ ಆದ ತಕ್ಷಣ ಸಿಬಿಲ್’ಗೆ ತಿಳಿಸಬೇಕು ಹೊಸ ಪದ್ದತಿಯಿಂದ ಸಿಬಿಲ್ ಸ್ಕೋರ್ ಅನಗತ್ಯ ಕುಸಿತವನ್ನು ತಡೆಯಲು ಸಾಧ್ಯ ಸಿಬಿಲ್ ಹೊಸ ಪದ್ದತಿ ಜಾರಿಗೆ

ದೇಶದಲ್ಲಿ ಈಗಿರುವ ಸಾಲದ ವ್ಯವಸ್ಥೆಯನ್ನು ಇನ್ನಷ್ಟು ಬಲಪಡಿಸಲು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (RBI) ಹೊಸ ಮಾರ್ಗಸೂಚಿಯನ್ನು (Draft) ಪ್ರಕಟಿಸಿದೆ. ಹೊಸ ಪದ್ದತಿ ಮುಂಬರುವ ಆರ್ಥಿಕ ವರ್ಷದಿಂದ ಅಂದರೆ ಏಪ್ರಿಲ್ 1, 2026ರಿಂದ ಜಾರಿಗೆ ಬರುವ ಸಾಧ್ಯತೆಯಿದೆ.

ಹೊಸ ನಿಯಮ ಜಾರಿಗೆ ಬಂದ ಬಳಿಕ, ಎಲ್ಲಾ ಕ್ರೆಡಿಟ್ ಇನ್ಪಾರ್ಮೇಷನ್ ಸಂಸ್ಥೆಗಳು (CIC), ಗ್ರಾಹಕರ ಕ್ರೆಡಿಟ್ ಸ್ಕೋರ್ ಪದ್ದತಿಯಲ್ಲಿ ಬದಲಾವಣೆ ತರಬೇಕಾಗುತ್ತದೆ. ಹೊಸ ನಿಯಮದ ಪ್ರಕಾರ, ಪ್ರತೀ ಏಳು ದಿನಕ್ಕೊಮ್ಮೆ ಕ್ರೆಡಿಟ್ ಸ್ಕೋರ್ ಅನ್ನು ಅಪ್ಡೇಟ್ ಮಾಡಲಾಗುವುದು. ಸದ್ಯ, ತಿಂಗಳಿಗೆ ಎರಡು ಬಾರಿ ಈ ಪ್ರಕ್ರಿಯೆ ನಡೆಯುತ್ತಿದೆ.

ಗ್ರಾಹಕರು ತಮ್ಮ ಕ್ರೆಡಿಟ್ ಸ್ಕೋರ್’ಗಳಲ್ಲಿನ ಬದಲಾವಣೆಗಳನ್ನು ವಾರಕ್ಕೊಮ್ಮೆ ನೋಡಬಹುದಾಗಿದೆ. ಈ ವ್ಯವಸ್ಥೆ ಬ್ಯಾಂಕಿಂಗ್ ಮತ್ತು ಹಣಕಾಸು ವಲಯದ ಸಂಸ್ಥೆಗಳಿಗೂ ಅನುಕೂಲವಾಗಲಿದೆ. ಹೊಸ ನಿಯಮದ ಪ್ರಕಾರ, ಬ್ಯಾಂಕುಗಳೂ ಪ್ರತೀ ತಿಂಗಳ ಮೂರನೇ ತಾರೀಕಿನೊಳಗೆ ಪರಿಷ್ಕೃತ ಮಾಹಿತಿಯನ್ನು ಸಿಐಸಿಗೆ ಕಳುಹಿಸಬೇಕು.

ಅಕೌಂಟ್ ಓಪನ್ ಮಾಡುವುದು ಅಥವಾ ಮುಚ್ಚುವುದು, ಕ್ರೆಡಿಟ್ ಸ್ಕೋರಿಗೆ ಸಂಬಂಧಿಸಿದ ಬದಲಾವಣೆಗಳು ಅಥವಾ ಸಾಲದ ಅಪ್ಡೇಟೆಡ್ ಮಾಹಿತಿಯನ್ನು ತಿಂಗಳ 7, 14, 21, 28 ಮತ್ತು ತಿಂಗಳ ಕೊನೆಯ ದಿನಾಂಕಗಳಲ್ಲಿ ಅಪ್ಡೇಟ್ ಮಾಡಬೇಕಾಗುತ್ತದೆ. ತಪ್ಪಾದ ಮಾಹಿತಿಯನ್ನು ನೀಡಿದರೆ ಅಥವಾ ಡೇಟಾ ಕಳುಹಿಸಲು ವಿಳಂಬ ಮಾಡಿದರೆ, ಸಿಐಸಿಗಳಿಗೆ ದಂಡ ವಿಧಿಸಲಾಗುತ್ತದೆ.

ರಿಸರ್ವ್ ಬ್ಯಾಂಕ್ ಹೊಸ ನಿಯಮಗಳಿಂದ ಗ್ರಾಹಕರಿಗೆ ಆಗುವ ಪ್ರಮುಖ ನಾಲ್ಕು ಲಾಭಗಳು:

1. ಸಾಲ ಅಥವಾ ಕ್ರೆಡಿಟ್ ಕಾರ್ಡ್ ವ್ಯವಹಾರ ಮುಗಿದ ತಕ್ಷಣ, ಬ್ಯಾಂಕುಗಳು ಇದರ ಮಾಹಿತಿಯನ್ನು CIBILಗೆ ಕಳುಹಿಸಬೇಕು. ಹಿಂದೆಲ್ಲಾ, ಈ ಮಾಹಿತಿಯನ್ನು ನೀಡಲು ತಿಂಗಳುಗಟ್ಟಲೆ ತೆಗೆದುಕೊಳ್ಳುತ್ತಿತ್ತು. ಇದು, ಗ್ರಾಹಕರಿಗೆ ಹೊಸ ಸಾಲ ಪಡೆಯಲು ತೊಂದರೆಯಾಗುತ್ತಿತ್ತು.

2. ಕಸ್ಟಮರ್ ಅನುಮತಿ ಇಲ್ಲದೆ ಬ್ಯಾಂಕ್’ಗಳು ಮತ್ತು NBFCಗಳು ಕ್ರೆಡಿಟ್ ವರದಿಗಳನ್ನು ಪಡೆಯಲು ಸಾಧ್ಯವಿಲ್ಲ. ಇದು CIBIL ಸ್ಕೋರ್‌ನಲ್ಲಿ ಅನಗತ್ಯ ಕುಸಿತವನ್ನು ತಡೆಯುತ್ತದೆ ಮತ್ತು ಕ್ರೆಡಿಟ್ ಪ್ರೊಫೈಲ್‌’ಗಳನ್ನು ಸೇಫಾಗಿರಿಸುತ್ತದೆ.

3. ಒಂದು ವೇಳೆ, ತಪ್ಪಾದ ಮಾಹಿತಿಯನ್ನು ನೀಡಿದರೆ, ಅದನ್ನು ಸರಿಪಡಿಸಲು ತಡಮಾಡಿದರೆ ಅಥವಾ ಅನುಮತಿ ಇಲ್ಲದೇ, ಕ್ರೆಡಿಟ್ ಸ್ಕೋರ್ ಚೆಕ್ ಮಾಡಿದರೆ, ಭಾರೀ ದಂಡ ವಿಧಿಸಲಾಗುತ್ತದೆ. ಇದು ಬ್ಯಾಂಕುಗಳು ಕ್ರೆಡಿಟ್ ಡೇಟಾವನ್ನು ಹೆಚ್ಚು ನಿಖರವಾಗಿ ಮೆಂಟೇನ್ ಮಾಡುವಲ್ಲಿ ಸಹಕಾರಿಯಾಗಲಿದೆ. ಇದರಿಂದ ಗ್ರಾಹಕರು ತಮ್ಮ CIBIL ಸ್ಕೋರ್‌ಗಳನ್ನು ಬೇಗ ಸುಧಾರಣೆಯನ್ನು ಕಾಣಬಹುದು.

4. ಬ್ಯಾಂಕುಗಳು ಅಥವಾ ಹಣಕಾಸು ಸಂಸ್ಥೆಗಳು, ಹೊಸ ಕ್ರೆಡಿಟ್ ವರದಿಗಳನ್ನು ಪಡೆಯುವುದರಿಂದ, ಸಾಲದ ಬಡ್ಡಿ ದರಗಳು, ಸಾಲದ ಮೊತ್ತ ಮತ್ತು ಸಾಲದ ಅವಧಿಯನ್ನು ಸರಿಯಾಗಿ ನಿರ್ಧರಿಸಲು ಅನುಕೂಲವಾಗುತ್ತದೆ. ಒಂದು ವೇಳೆ ಯಾವುದೇ ಹಣಕಾಸು ಸಂಸ್ಥೆಗಳು, ಸಮಯಕ್ಕೆ ಸರಿಯಾಗಿ ಡೇಟಾವನ್ನು ಕಳುಹಿಸದೇ ಇದ್ದಲ್ಲಿ, CICಗಳು ಅದನ್ನು RBIಯ DAKSH ಪೋರ್ಟಲ್‌ನಲ್ಲಿ ವರದಿ ಮಾಡಲು ಅವಕಾಶ ಇರುತ್ತದೆ.

ಮನೆ ಸಾಲದ EMI ಇಳಿಕೆ; FD ಇಟ್ಟವರಿಗೆ ಶಾಕ್‌, ಆರ್‌ಬಿಐನಿಂದ ರೆಪೋ ರೇಟ್‌ ಮತ್ತೆ ಕಟ್‌! ಏನೆಲ್ಲಾ ಆಗುತ್ತೆ ಗೊತ್ತಾ? CIBIL ಕ್ರೆಡಿಟ್ ಸ್ಕೋರ್ ಎಂದರೇನು? ಕ್ರೆಡಿಟ್ ಸ್ಕೋರ್ ಎಂದರೆ ಒಬ್ಬ ವ್ಯಕ್ತಿಯ ಸಾಲದ ಖಾತೆಗಳ (ಕ್ರೆಡಿಟ್ ಕಾರ್ಡ್ ಮತ್ತು ಸಾಲ) ಮಾಹಿತಿಯನ್ನು ಒಳಗೊಂಡಿರುವ ಕ್ರೆಡಿಟ್ ದಾಖಲೆಯಾಗಿದೆ. ಇದರಲ್ಲಿ ಸಾಲ ಕಟ್ಟದೇ ಇರುವುದು ಅಥವಾ ಮತ್ತು ತಡವಾದ ಪೇಮೆಂಟುಗಳ ಮಾಹಿತಿಯೂ ಇದರಲ್ಲಿ ಇರುತ್ತದೆ.

ಯಾವ ಬ್ಯಾಂಕುಗಳು ಅಥವಾ ಹಣಕಾಸು ಸಂಸ್ಥೆಗಳು ಸಾಲ ಅಥವಾ ಕ್ರೆಡಿಟ್ ಕಾರ್ಡ್‌’ಗಳನ್ನು ನೀಡಿದ್ದವು, ಮತ್ತು ಅದು ಸರಿಯಾದ ಸಮಯದಲ್ಲಿ ಪಾವತಿ ಆಗಿದೆಯಾ, ಇಲ್ಲವೇ ಎನ್ನುವ ಮಾಹಿತಿಯನ್ನು ಆಧರಿಸಿ ಸ್ಕೋರ್ ನೀಡುತ್ತದೆ. ದೇಶದ ಹೆಚ್ಚಿನ ಬ್ಯಾಂಕ್ ಅಥವಾ ಖಾಸಗಿ ಹಣಕಾಸು ಸಂಸ್ಥೆಗಳು, ಕ್ರೆಡಿಟ್ ಸ್ಕೋರ್ ಆಧರಿಸಿಯೇ ಸಾಲ/ಕ್ರೆಡಿಟ್ ಕಾರ್ಡ್ ಅನ್ನು ನೀಡುತ್ತವೆ.”