ಖ್ಯಾತ ಸ್ಟಾಕ್‌ ಬ್ರೋಕಿಂಗ್‌ ಸಂಸ್ಥೆ ಗ್ರೋ, ತನ್ನ ಐಪಿಒ ಸಾರ್ವಜನಿಕರಿಗೆ ತೆರೆಯುವ ಮುನ್ನವೇ ಆಂಕರ್ ಹೂಡಿಕೆದಾರರಿಂದ ಭಾರಿ ಬೇಡಿಕೆ

 ಮುಂಬಯಿ:ಆಂಕರ್ ಬುಕ್‌ಗೆ 15 ಪಟ್ಟಿಗೂ ಅಧಿಕ ಬೇಡಿಕೆ, ₹50,000 ಕೋಟಿ ಮೌಲ್ಯದ ಬಿಡ್ ಸಲ್ಲಿಕೆ ನವೆಂಬರ್ 4 ರಿಂದ 7 ರವರೆಗೆ ಸಾರ್ವಜನಿಕ ಚಂದಾದಾರಿಕೆಗೆ ಮುಕ್ತವಾಗಿರಲಿದೆ ಐಪಿಒ ಪ್ರತಿ ಷೇರಿಗೆ ₹95 ರಿಂದ ₹100 ದರ ನಿಗದಿಪಡಿಸಿದೆ ಸ್ಟಾಕ್ ಬ್ರೋಕರ್‌ ಸಂಸ್ಥೆ ಐಪಿಒ ಮೂಲಕ ಒಟ್ಟು ₹6,632 ಕೋಟಿ ಬಂಡವಾಳ ಸಂಗ್ರಹಿಸುವ ಗುರಿ ಪ್ರಮುಖ ಹೂಡಿಕೆದಾರರಲ್ಲಿ ಸೇರಿವೆ ಎಸ್‌ಬಿಐ ಮ್ಯೂಚುಯಲ್ ಫಂಡ್, ಸಿಕ್ವೊಯಾ ಕ್ಯಾಪಿಟಲ್ ಸ್ಟಾಕ್‌ ಬ್ರೋಕಿಂಗ್‌ ಸಂಸ್ಥೆಯಲ್ಲಿ ಹೂಡಿಕೆ ಮಾಡಲು ಆಂಕರ್‌ ಹೂಡಿಕೆದಾರರು ಅಕ್ಷರಶಃ ಮುಗಿಬಿದಿದ್ದಾರೆ.

ವೆಲ್ತ್ ಟೆಕ್ ವಲಯಕ್ಕೆ ಸೇರಿದ  ಗಳಿಸಿದೆ. ಬ್ಯಾಂಕಿಂಗ್ ಮೂಲಗಳ ಪ್ರಕಾರ, 3,000 ಕೋಟಿ ಗಾತ್ರದ ಆಂಕರ್ ಬುಕ್‌ಗೆ 15 ಪಟ್ಟಿಗಿಂತ ಅಧಿಕ ಅಂದರೆ ಸುಮಾರು 50,000 ಕೋಟಿ ರೂ. ಮೌಲ್ಯದ ಬಿಡ್‌ಗಳು ಬಂದಿವೆ ಎಂದು ಮನಿಕಂಟ್ರೋಲ್‌ ವರದಿ ಮಾಡಿದೆ. ಎಸ್‌ಬಿಐ ಮ್ಯೂಚುಯಲ್ ಫಂಡ್ ಸೇರಿದಂತೆ ದೇಶದ 10 ಪ್ರಮುಖ ಮ್ಯೂಚುಯಲ್ ಫಂಡ್‌ಗಳ ಪೈಕಿ ಎಂಟು ಫಂಡ್‌ಗಳು ಹಾಗೂ ಸಿಕ್ವೊಯಾ ಕ್ಯಾಪಿಟಲ್, ಡ್ರಾಗೋನೀರ್ ಇನ್ವೆಸ್ಟ್‌ಮೆಂಟ್ ಗ್ರೂಪ್ ಮತ್ತು ಕೋಟ್ಯೂ ಮ್ಯಾನೇಜ್‌ಮೆಂಟ್‌ನಂತಹ ಪ್ರಮುಖ ಅಮೆರಿಕನ್ ಹೂಡಿಕೆದಾರರು ಕೂಡ ಇದರಲ್ಲಿ ಭಾಗವಹಿಸಿದ್ದಾರೆ.

ಅತ್ಯಂತ ಲಾಭದಾಯಕ ಸ್ಟಾರ್ಟಪ್‌ನಲ್ಲಿ ಹೂಡಿಕೆಗೆ ಪೈಪೋಟಿ ಭಾರತದ ಅತ್ಯಂತ ಲಾಭದಾಯಕ ಸ್ಟಾರ್ಟ್‌ಅಪ್‌ಗಳಲ್ಲಿ ಒಂದಾದ ಗ್ರೋ, 6,632 ಕೋಟಿ ರೂ. ಮೌಲ್ಯದ ಐಪಿಒ ಮೂಲಕ ಮಾರುಕಟ್ಟೆ ಪ್ರವೇಶಿಸುತ್ತಿದೆ. ಕಂಪನಿಯು ಪ್ರತಿ ಷೇರಿಗೆ 95 ರಿಂದ 100 ರೂ. ಬೆಲೆ ನಿಗದಿಪಡಿಸಿದ್ದು, ಸುಮಾರು 62,500 ಕೋಟಿ ರೂ. ಮಾರುಕಟ್ಟೆ ಮೌಲ್ಯವನ್ನು ಗುರಿಯಾಗಿಸಿಕೊಂಡಿದೆ. ಈ ಐಪಿಒ ನವೆಂಬರ್ 4 ರಿಂದ ನವೆಂಬರ್ 7 ರವರೆಗೆ ಚಂದಾದಾರಿಕೆಗೆ ತೆರೆದಿರುತ್ತದೆ. ಐಪಿಒದಲ್ಲಿ 1,060 ಕೋಟಿ ರೂ. ಮೌಲ್ಯದ ಹೊಸ ಷೇರುಗಳ ಬಿಡುಗಡೆ ಮತ್ತು 5,572 ಕೋಟಿ ಮೌಲ್ಯದ ಆಫರ್ ಫಾರ್ ಸೇಲ್ (ಒಎಫ್‌ಎಸ್‌) ಸೇರಿದೆ. ಷೇರುಗಳ ಹಂಚಿಕೆಯನ್ನು ನವೆಂಬರ್ 10 ರಂದು ಅಂತಿಮಗೊಳ್ಳುವ ಸಾಧ್ಯತೆ ಇದ್ದು, ನವೆಂಬರ್ 12 ರಿಂದ ಬಿಎಸ್‌ಇ ಹಾಗೂ ಎನ್‌ಎಸ್‌ಇಯಲ್ಲಿ ಷೇರುಗಳು ವಹಿವಾಟಿಗೆ ಲಭ್ಯವಿರಲಿವೆ.

ಮಾಲೀಕರ ಬಳಿ ಇದೆ ಶೇ. 28ರಷ್ಟು ಷೇರು ಪ್ರವರ್ತಕರಾದ ಲಲಿತ್ ಕೇಶ್ರೆ, ಹರ್ಷ್ ಜೈನ್, ಇಶಾನ್ ಬನ್ಸಲ್ ಮತ್ತು ನೀರಜ್ ಸಿಂಗ್ ಅವರು ಕಂಪನಿಯಲ್ಲಿ ಶೇ. 28.04 ರಷ್ಟು ಪಾಲು ಹೊಂದಿದ್ದರೆ, ಸಾರ್ವಜನಿಕ ಷೇರುದಾರರು ಶೇ. 71.96 ರಷ್ಟು ಪಾಲು ಹೊಂದಿದ್ದಾರೆ. ವೆಂಚರ್ ಕ್ಯಾಪಿಟಲ್ ಸಂಸ್ಥೆಯಾದ ಪೀಕ್ XV ಪಾರ್ಟ್‌ನರ್ಸ್ ಶೇ. 19.87ರಷ್ಟು ಪಾಲಿನೊಂದಿಗೆ ಅತಿದೊಡ್ಡ ಹೂಡಿಕೆದಾರನಾಗಿದ್ದರೆ, ರಿಬ್ಬಿಟ್ ಕ್ಯಾಪಿಟಲ್ (ಶೇ. 14.78), ವೈಸಿ ಹೋಲ್ಡಿಂಗ್ಸ್ (ಶೇ. 13.24) ಮತ್ತು ಟೈಗರ್ ಗ್ಲೋಬಲ್ ಮ್ಯಾನೇಜ್‌ಮೆಂಟ್ (ಶೇ. 6.04) ಇತರ ಪ್ರಮುಖ ಹೂಡಿಕೆದಾರರಾಗಿದ್ದಾರೆ.

ಇನ್ನು ಐಪಿಒದಲ್ಲಿ ಆಫರ್ ಫಾರ್ ಸೇಲ್ ಮೂಲಕ ಪೀಕ್ XV ಪಾರ್ಟ್‌ನರ್ಸ್, ವೈಸಿ ಹೋಲ್ಡಿಂಗ್ಸ್, ರಿಬ್ಬಿಟ್ ಕ್ಯಾಪಿಟಲ್ ಸೇರಿದಂತೆ ಹಲವು ಹೂಡಿಕೆದಾರರು ತಮ್ಮ ಷೇರುಗಳನ್ನು ಮಾರಾಟ ಮಾಡುತ್ತಿದ್ದಾರೆ. ಐಪಿಒ ಹಣದ ಬಳಕೆ ಹೇಗೆ? ಐಪಿಒ ಮೂಲಕ ಸಂಗ್ರಹವಾಗುವ 1,060 ಕೋಟಿ ರೂ. ಹೊಸ ಬಂಡವಾಳದಲ್ಲಿ 152.5 ಕೋಟಿ ರೂ.ಗಳನ್ನು ಕ್ಲೌಡ್ ಮೂಲಸೌಕರ್ಯಕ್ಕಾಗಿ, 225 ಕೋಟಿ ರೂ.ಗಳನ್ನು ಬ್ರ್ಯಾಂಡ್ ನಿರ್ಮಾಣ ಮತ್ತು ಮಾರುಕಟ್ಟೆ ಚಟುವಟಿಕೆಗಳಿಗಾಗಿ ಬಳಸಲು ಕಂಪನಿ ಯೋಜಿಸಿದೆ.

ಅಲ್ಲದೆ, ತನ್ನ ಅಂಗಸಂಸ್ಥೆಯಾದ ಗ್ರೋ ಕ್ರೆಡಿಟ್‌ಸರ್ವ್ ಟೆಕ್ನಾಲಜಿಗೆ 205 ಕೋಟಿ ರೂ. ಮತ್ತು ಗ್ರೋ ಇನ್ವೆಸ್ಟ್ ಟೆಕ್‌ಗೆ 167.5 ಕೋಟಿ ರೂ. ಹೂಡಿಕೆ ಮಾಡಲಿದೆ. ಉಳಿದ ಹಣವನ್ನು ಗುರುತಿಸದ ಸ್ವಾಧೀನಗಳು ಮತ್ತು ಸಾಮಾನ್ಯ ಕಾರ್ಪೊರೇಟ್ ಉದ್ದೇಶಗಳಿಗಾಗಿ ಬಳಸಲಾಗುವುದು ಎಂದು ಬೆಂಗಳೂರು ಮೂಲದ ಕಂಪನಿ ತಿಳಿಸಿದೆ.

2025 ರ ಆರ್ಥಿಕ ವರ್ಷದಲ್ಲಿ, ಗ್ರೋ 4,056 ಕೋಟಿ ರೂ. ಆದಾಯ ಗಳಿಸಿದ್ದು, 1,899 ಕೋಟಿ ರೂ. ನಿವ್ವಳ ಲಾಭವನ್ನು ವರದಿ ಮಾಡಿದೆ. ಜೂನ್ 2025ಕ್ಕೆ ಕೊನೆಗೊಂಡ ತ್ರೈಮಾಸಿಕದಲ್ಲಿ ಕಂಪನಿಯು 378.4 ಕೋಟಿ ನಿವ್ವಳ ಲಾಭ ಗಳಿಸಿದ್ದು, ಇದು ಹಿಂದಿನ ವರ್ಷದ ಇದೇ ಅವಧಿಗೆ ಹೋಲಿಸಿದರೆ ಶೇ. 11.9ರಷ್ಟು ಹೆಚ್ಚಾಗಿದೆ. ಆದರೆ, ಇದೇ ಅವಧಿಯಲ್ಲಿ ಆದಾಯವು ಶೇ. 9.6ರಷ್ಟು ಕುಸಿದು 904.4 ಕೋಟಿ ರೂ.ಗೆ ಇಳಿದಿದೆ.”