ಮಂಗಳೂರು : ಮಂಗಳೂರಿನಲ್ಲಿ ಎಲೆಕ್ಟ್ರಿಕಲ್ ಬಸ್ಗೆ ಸಿದ್ಧತೆ ಚುರುಕು ಕೇಂದ್ರದಿಂದ ಅನುದಾನ ಬಂದ ತಕ್ಷಣವೇ ಕೆಲಸ ಶುರು ಮೊದಲ ಹಂತದಲ್ಲಿ 50 ಎಲೆಕ್ಟ್ರಿಕಲ್ ಬಸ್ಗಳು ರಸ್ತೆಗಳಿಯಲಿವೆ
ಕುಂಟಿಕಾನ ಕೆಎಸ್ಆರ್ಟಿಸಿ ಡಿಪೋ ಹಾಗೂ ಬಿಜೈ ಬಸ್ ನಿಲ್ದಾಣದಲ್ಲಿ ಎಲೆಕ್ಟ್ರಿಕಲ್ ಬಸ್ಗಳ ಚಾರ್ಜಿಂಗ್ ಪಾಯಿಂಟ್ಗೆ ಮೆಸ್ಕಾಂ ಹಾಗೂ ಕೆಪಿಟಿಸಿಎಲ್ ಅನುಮೋದನೆ ನೀಡಿದೆ. ಕೇಂದ್ರದ ಅನುದಾನ ಬಂದಾಕ್ಷಣ ಇಲ್ಲಿ ಕೆಲಸ ಆರಂಭವಾಗಲಿದ್ದು, ಕುಡ್ಲ ಸಿಟಿಯಲ್ಲಿ ಎಲೆಕ್ಟ್ರಿಕಲ್ ಬಸ್ ಓಡಾಟಕ್ಕೆ ಮತ್ತಷ್ಟು ವೇಗ ಸಿಗಲಿದೆ.
ಎಲೆಕ್ಟ್ರಿಕಲ್ ಬಸ್ಗಳು ಮಂಗಳೂರು ನಗರದಲ್ಲಿ ಓಡಾಟ ಮಾಡಲಿದೆ ಎನ್ನುವ ವಿಚಾರ ಕಳೆದ ಕೆಲವು ವರ್ಷಗಳಿಂದ ಪ್ರಚಲಿತದಲ್ಲಿತ್ತು. ಆದರೆ ತಾಂತ್ರಿಕ ಅನುಮೋದನೆಯ ಕಾರಣದಿಂದ ಯೋಜನೆಯ ವೇಗಕ್ಕೆ ಕಡಿವಾಣ ಬಿದ್ದಿತ್ತು. ಈ ಬಾರಿ ಮೆಸ್ಕಾಂ ಕಡೆಯಿಂದ ಚಾರ್ಜಿಂಗ್ ಪಾಯಿಂಟ್ಗೆ ಅನುಮೋದನೆ ಸಿಕ್ಕಿದೆ. ಇದರ ಜತೆಗೆ ಕೆಪಿಟಿಸಿಎಲ್ನಿಂದ ಕೂಡ 3 ಸಾವಿರದಿಂದ 4 ಸಾವಿರ ಕೆವಿಗೂ ಅನುಮೋದನೆ ಸಿಕ್ಕಿದೆ.
ಚಾರ್ಜಿಂಗ್ ಪಾಯಿಂಟ್ ಕೆಲಸ ಆರಂಭಕ್ಕೆ ಇದ್ದ ವಿಘ್ನ ನಿವಾರಣೆಯಾಗಲಿದೆ. ಇದರ ಜತೆಗೆ ಕಾಮಗಾರಿಗೆ ಬೇಕಾದ ಅನುದಾನ ಕೇಂದ್ರದಿಂದ ಬರಲು ಬಾಕಿ ಇದ್ದು ಅಲ್ಲಿಂದ ಬಂದಾಕ್ಷಣ ಇಲ್ಲಿ ಕೆಲಸ ಶುರುವಾಗಲಿದೆ. ಈ ಬಳಿಕ ಮೊದಲ ಹಂತದಲ್ಲಿ 50 ಎಲೆಕ್ಟ್ರಿಕಲ್ ಬಸ್ಗಳು ಕುಡ್ಲ ರಸ್ತೆಗೆ ಮುಂದಿನ ವರ್ಷದ ಆರು ತಿಂಗಳ ಒಳಗಡೆ ಇಳಿಯಲಿದೆಇದರ ಬಳಿಕ ವರ್ಷದ ಕೊನೆಯಲ್ಲಿ ಮತ್ತೆ 50 ಬಸ್ಗಳು ರಸ್ತೆಗಿಳಿಯಲಿದೆ.
ಸಿಟಿಯ 43 ರೂಟ್ಗಳ ಚಿಂತನೆ ಕೆಎಸ್ಆರ್ಟಿಸಿಯ ಮಂಗಳೂರು ವಿಭಾಗದಡಿಯಲ್ಲಿ 43 ರೂಟ್ಗಳಲ್ಲಿ ಸರಕಾರಿ ಬಸ್ಗಳು ಓಡಾಡುತ್ತಿದೆ. ಹೊಸ ಎಲೆಕ್ಟ್ರಿಕಲ್ ಬಸ್ಗಳು ಬಂದರೆ ಹಳೆಯ ಬಸ್ಗಳ ರೂಟ್ಗಳಲ್ಲಿ ಸಾಗಲಿದೆ.
ಈ ಬಳಿಕ ಹಳೆಯ ಬಸ್ಗಳು ಇತರ ಭಾಗಕ್ಕೆ ಶಿಫ್ಟ್ ಆಗುವ ಸಾಧ್ಯತೆಯಿದ್ದು, ಈ ಹಿಂದೆ ರೂಟ್ಗಳು ಇಲ್ಲದೇ ಇದ್ದ ಜಾಗಕ್ಕೆ ಹಳೆಯ ಬಸ್ಗಳನ್ನು ಓಡಿಸಬಹುದು. ಹೊಸ ಹೆಚ್ಚುವರಿ ಬಸ್ಗಳು ಬಂದಾಗ ಬಸ್ಗಳ ಸಂಖ್ಯೆಯಲ್ಲಿ ಹೆಚ್ಚಳವಾಗುತ್ತದೆ. ಇದರಿಂದ ಕೆಲವೊಂದು ಭಾಗದಲ್ಲಿ ಹಳೆಯ ಬಸ್ಗಳಿಂದಾಗಿ ಹೊಸ ರೂಟ್ಗಳು ಹುಟ್ಟುವ ನಿರೀಕ್ಷೆಯಿದ್ದು, ಪ್ರಯಾಣಿಕರಿಗೂ ಇದು ನೆರವಾಗುವ ಸಾಧ್ಯತೆಯಿದೆ.
ಮುಖ್ಯವಾಗಿ ರಾಜ್ಯ ಸರಕಾರದ ಶಕ್ತಿ ಯೋಜನೆಯ ಲಾಭ ಮಂಗಳೂರು ನಗರ ಭಾಗದಲ್ಲಿ ಮತ್ತಷ್ಟು ಏರಿಕೆಯಾಗಬಹುದು ಎನ್ನುವ ಹೊಸ ನಿರೀಕ್ಷೆ ಈಗ ಕಾಣಿಸಿಕೊಂಡಿದೆ. ಎಲೆಕ್ಟ್ರಿಕಲ್ ಬಸ್ಗಿರುವ ಎರಡು ಷರತ್ತು ಮಂಗಳೂರು ನಗರಕ್ಕೆ ಪ್ರವೇಶ ಗಿಟ್ಟಿಸುವ ಎಲೆಕ್ಟ್ರಿಕಲ್ ಬಸ್ಗಳು ಎರಡು ಷರತ್ತನ್ನು ಪೂರೈಸುವುದು ಬಹಳ ಅಗತ್ಯ. ಮುಖ್ಯವಾಗಿ ಬಸ್ಗಳ ರೂಟ್ಗಳ ಕುರಿತು ಪ್ರಯಾಣಿಕರ ಬೇಡಿಕೆ.
ಇದರ ಜತೆಗೆ ಈ ಬಸ್ ಸಾಗಲು ಇರುವ ರಸ್ತೆಯ ಉತ್ತಮ ಗುಣಮಟ್ಟ ಮುಖ್ಯವಾಗಿರುತ್ತದೆ. ರಸ್ತೆ ಉತ್ತಮವಾಗಿದ್ದರೆ ಮಾತ್ರ ಈ ಬಸ್ಗಳು ನಿರಾಂತಕವಾಗಿ ಓಡಿಸಬಹುದು. ಇಲ್ಲದೇ ಹೋದರೆ ಈ ಬಸ್ ಇತರ ಬಸ್ಗಳಂತೆ ಓಡಾಟ ನಡೆಸುವುದು ಕಷ್ಟಕರವಾಗಲಿದೆ.
ಎರಡು ಕಡೆಯಲ್ಲಿ ಚಾರ್ಜಿಂಗ್ ಎಲೆಕ್ಟ್ರಿಕಲ್ ಬಸ್ಗಳಿಗೆ ಮುಖ್ಯವಾಗಿ ಎರಡು ಕಡೆಯಲ್ಲಿ ಚಾರ್ಜಿಂಗ್ ಪಾಯಿಂಟ್ ನೀಡಲಾಗುತ್ತಿದೆ. ಕುಂಟಿಕಾನ ಬಸ್ ಡಿಪೋದಲ್ಲಿ ರಾತ್ರಿ ಹೊತ್ತು ತಂಗುವ ಬಸ್ಗಳಿಗೆ ಚಾರ್ಜ್ಗೆ ವ್ಯವಸ್ಥೆ ಮಾಡಲಾಗುತ್ತದೆ. ಮೂರು ಗಂಟೆಗಳ ಕಾಲ ಚಾರ್ಜ್ ಇಟ್ಟರೆ ಬಸ್ ನಿರಾಂತಕವಾಗಿ ಓಡುತ್ತದೆ.
ಈ ಬಳಿಕ ಕೆಲವೊಂದು ತುರ್ತು ಸಮಯದಲ್ಲಿ ಚಾರ್ಜಿಂಗ್ ಮಾಡಬೇಕು ಎಂದಾದರೆ ಬಿಜೈ ಬಸ್ ನಿಲ್ದಾಣದಲ್ಲಿಅದಕ್ಕಾಗಿಯೇ ಪ್ರತ್ಯೇಕವಾದ ಚಾರ್ಜಿಂಗ್ ಪಾಯಿಂಟ್ಗೆ ವ್ಯವಸ್ಥೆ ಮಾಡಲಾಗುತ್ತದೆ ಎನ್ನುವುದು ಅಧಿಕಾರಿಗಳು ಹೇಳುತ್ತಾರೆ. “ಮಂಗಳೂರಿಗೆ 100 ಎಲೆಕ್ಟ್ರಿಕಲ್ ಬಸ್ಗಳ ಖರೀದಿಯ ಟೆಂಡರ್ ಪ್ರಕ್ರಿಯೆ ಮುಗಿದಿದೆ.
ಎರಡು ಹಂತದಲ್ಲಿ ಬಸ್ಗಳು ಬರಲಿದ್ದು, ಇದಕ್ಕೆ ಬೇಕಾಗಿರುವ ಕೆಲಸಗಳು ಪೂರ್ಣಗೊಂಡಿದೆ. ಮುಂದಿನ ವರ್ಷದ ಅಂತ್ಯದೊಳಗೆ ಈ ಬಸ್ಗಳು ಪ್ರಯಾಣಿಕರ ಓಡಾಟಕ್ಕೆ ಸಿಗಲಿದೆ” – ದರ್ಶನ್ ಎಚ್.ವಿ. ಜಿಲ್ಲಾಧಿಕಾರಿ ದ.ಕ “ಎಲೆಕ್ಟ್ರಿಕಲ್ ಬಸ್ಗಳಿಂದ ಪ್ರಯಾಣಿಕರಿಗೆ ಹೆಚ್ಚಿನ ಲಾಭವಿದೆ.
ಮುಖ್ಯವಾಗಿ ಶಬ್ದಮಾಲಿನ್ಯ ಇಲ್ಲದೇ ಇರುವುದು. ನಗರ ಕೂಡ ಶಬ್ದ ಮಾಲಿನ್ಯತೆಯಿಂದ ಮುಕ್ತಿ ಹೊಂದುತ್ತದೆ. ಪ್ರಯಾಣ ಕೂಡ ಬಹಳಷ್ಟು ಉತ್ತಮವಾದ ಅನುಭವವನ್ನು ನೀಡುತ್ತದೆ. ಈ ನಿಟ್ಟಿನಲ್ಲಿ ಬಹಳಷ್ಟು ಕೆಲಸಗಳು ನಡೆಯುತ್ತಿದೆ. ಕೆಲವೊಂದು ವಿಚಾರದಲ್ಲಿ ತಾಂತ್ರಿಕ ಅನುಮೋದನೆಗಳು ಬೇಕಾಗಿದೆ”
Leave a comment