ಫೆಡರಲ್ ಸರ್ಕಾರದ ಸ್ಥಗಿತ ಮತ್ತು ವಲಸೆ ವಿರೋಧಿ ನೀತಿಗಳ ಪರಿಣಾಮವಾಗಿ ನಿರುದ್ಯೋಗ ಹೆಚ್ಚುತ್ತಿದ್ದು,ಅಮೆರಿಕಾ ಆರ್ಥಿಕತೆಗೆ ಹೊರೆೆ

ವಾಷಿಂಗ್ಟನ್ : ಅಮೆರಿಕದಲ್ಲಿ 4 ವರ್ಷಗಳಲ್ಲೇ ಅತಿಹೆಚ್ಚು ನಿರುದ್ಯೋಗ ದಾಖಲು ಸೆಪ್ಟಬರ್‌ ಗೆ ಹೋಲಿಸಿದರೆ 4.6 ಏರಿಕೆ ಫೆಡರಲ್ ಸರ್ಕಾರದ ಸ್ಥಗಿತ ಮತ್ತು ವಲಸೆ ವಿರೋಧಿ ನೀತಿಗಳ ಪರಿಣಾಮವಾಗಿ ನಿರುದ್ಯೋಗ ಹೆಚ್ಚುತ್ತಿದ್ದು,ಅಮೆರಿಕಾ ಆರ್ಥಿಕತೆಗೆ ಹೊರೆ ಏನೂ ಆಗಿಲ್ಲ ಪರಿಸ್ಥಿತಿ ಸುಧಾರಣೆಯಲ್ಲಿ ಸ್ಥಿರವಾದ ಏರಿಕೆಯ ಹಾದಿಯಲ್ಲಿದೆ ಎಂದ ವಾದಿಸುತ್ತಿರುವ ಶ್ವೇತಭವನ

ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಅವರ ವಲಸೆ ವಿರೋಧಿ ನೀತಿಯಿಂದ ಈಗ ಅಮೆರಿಕಾದಲ್ಲಿ ನಿರುದ್ಯೋಗ ಹೆಚ್ಚಳವಾಗಿದ್ದು, ಸುಮಾರು 4 ವರ್ಷಗಳಲ್ಲೇ ಅತಿ ಹೆಚ್ಚಿನ ಸಂಖ್ಯೆಯಲ್ಲಿ ನಿರುದ್ಯೋಗ ದಾಖಲಾಗಿದ್ದು, ಅಮರಿಕಾ ಫಸ್ಟ್‌ ಎನ್ನುವ ಟ್ರಂಪ್‌ ಘೋಷವಾಕ್ಯ ಈಗ ಅಮೆರಿಕಾ ಲಾಸ್ಟ್‌ ಆಗುವ ನಿಟ್ಟಿನಲ್ಲಿ ಸಾಗುತ್ತಿದೆ. ಇದರಿಂದ ಈಗ ಟ್ರಂಪ್‌ ಪರಿಸ್ಥಿತಿ ಬಾಲ ಸುಟ್ಟ ಬೆಂಕಿನಂತಾಗಿದೆ.

ಅಮೆರಿಕಾದಲ್ಲಿ ನಿರುದ್ಯೋಗ ಹೆಚ್ಚಳ ಟ್ರಂಪ್‌ ವಲಸೆ ವಿರೋಧಿ ನೀತಿಯ ಜೊತೆಗೆ ಸರ್ಕಾರದ ಕಾರ್ಯಚರಣೆಗಳಲ್ಲಿನ ಸುದೀರ್ಘ ಸ್ಥಗಿತ ಸೇರಿದಂತೆ ಅಮೆರಿಕಾ ತೊರೆಯುತ್ತಿರುವ ಅಲ್ಲಿನ ವಲಸಿಗರ ಸಂಖ್ಯೆಯಲ್ಲಿನ ಹೆಚ್ಚಳದಿಂದಾಗಿ ನಿರುದ್ಯೋಗ ಹೆಚ್ಚಳವಾಗಿದ್ದು, ಬರೋಬ್ಬರಿ 4.6ಕ್ಕೆ ಏರಿಕೆಯಾಗಿದೆ. ಇದು ಸುಮಾರು 4 ವರ್ಷಗಳಲ್ಲೇ ಅತಿ ಹೆಚ್ಚಿನ ನಿರುದ್ಯೋಗ ಪ್ರಮಾಣವಾಗಿದೆ ಎಂದು ಬ್ಯೂರೋ ಆಫ್ ಲೇಬರ್ ಸ್ಟ್ಯಾಟಿಸ್ಟಿಕ್ಸ್ ತಿಳಿಸಿದೆ.

ಈ ನಿರುದ್ಯೋಗ ದತ್ತಾಂಶಗಳನ್ನು ಬಿಡುಗಡೆ ಮಾಡಿರುವ ಬ್ಯೂರೋ ಆಫ್ ಲೇಬರ್ ಸ್ಟ್ಯಾಟಿಸ್ಟಿಕ್ಸ್ ಅಮರಿಕಾದಲ್ಲಿ ನಿರುದ್ಯೋಗ ಪ್ರಮಾಣ ಭಾರಿ ಪ್ರಮಾಣದಲ್ಲಿ ಹೆಚ್ಚಳವಾಗಿದ್ದು, ಫೆಡರಲ್ ಸರ್ಕಾರದ ಸ್ಥಗಿತದಿಂದಾಗಿ ಆರ್ಥಿಕತೆ ಚೇತರಿಸಿಕೊಳ್ಳಲು ಪರದಾಡುತ್ತಿದೆ ಎಂದು ತಿಳಿಸಿದ್ದಾರೆ.

ಅಕ್ಟೋಬರ್ ತಿಂಗಳಲ್ಲಿ ಅಮೆರಿಕಾದ ಆರ್ಥಿಕತೆ 105,000 ಉದ್ಯೋಗಗಳನ್ನು ಕಳೆದುಕೊಂಡಿದೆ.ಇನ್ನು, ನವೆಂಬರ್‌ ನಲ್ಲಿ ಹೊಸದಾಗಿ 4,000 ಹೊಸ ಉದ್ಯೋಗಗಳ ನೇಮಕವಾಗಿದ್ದರೂ ಸಹ ಸೆಪ್ಟೆಂಬರ್‌ನಲ್ಲಿ ಶೇ. 4.4ರಷ್ಟಿದ್ದ ನಿರುದ್ಯೋಗ ದರ, ನವೆಂಬರ್‌ ನಲ್ಲಿ ಶೇ. 4.6ಕ್ಕೆ ಏರಿದೆ. ಇನ್ನು, ಅಕ್ಟೋಬರ್‌ ವರದಿಯನ್ನು ಇತ್ತಿಚೆಗೆ ವರದಿ ಮಾಡಿರುವ ಬ್ಯುರೋ ಫೆಡರಲ್ ಸರ್ಕಾರದ ಸುದೀರ್ಘ ಸ್ಥಗಿತದಿಂದಾಗಿ 8 ದಶಕಗಳಲ್ಲೇ ಮೊದಲ ಬಾರಿಗೆ ದತ್ತಾಂಶ ನೀಡುವಲ್ಲಿ ವಿಳಂಬವಾಗಿದೆ ಎಂದು ತಿಳಿಸಿದೆ.

ಇನ್ನು ಸೆನ್ಸಸ್ ಬ್ಯೂರೋ ವರದಿ ಪ್ರಕಾರ, ಅಕ್ಟೋಬರ್ ತಿಂಗಳ ಚಿಲ್ಲರೆ ಮಾರಾಟವು ಸ್ಥಿರವಾಗಿಯೇ ಉಳಿದಿದೆ, ಆದಾಗ್ಯೂ, ಇದು 5 ತಿಂಗಳ ವರದಿಗೆ ಹೋಲಿಸಿದರೆ ಅತ್ಯಂತ ಕಳಪೆಯಾಗಿದೆ. ಇನ್ನು, ಅಕ್ಟೋಬರ್ ತಿಂಗಳನಲ್ಲಿ ಸರ್ಕಾರದ ಶಟ್‌ ಡೌನ್‌ ಕಾರಣದಿಂದ 1 ಲಕ್ಷ ಉದ್ಯೋಗ ಕಡಿತಗೊಂಡು, ನವೆಂಬರ್ ನಲ್ಲಿ 64 ಸಾವಿರ ಉದ್ಯೂಗ ಸೃಷ್ಟಿಯಾಗಿದ್ದರೂ ಸಹ ಈ ಹಿಂದಿನ ತಿಂಗಳುಗಳಿಗೆ ಹೋಲಿಸಿದರೆ ದಿನದಿಂದ ದಿನಕ್ಕೆ ಕುಸಿಯುತ್ತಲೇ ಇದ್ದು, ಅತ್ಯಂತ ಕಳಪೆ ಪ್ರದರ್ಶನ ನೀಡುತ್ತಿದೆ. ಇದು ಆರ್ಥಿಕ ತಜ್ಞರನ್ನು ಚಿಂತನೆಗೊಳಗಾಗುವಂತೆ ಮಾಡಿದ್ದು, ವಿಳಂಬವಾಗಿ ಸಿಕ್ಕಿರುವ ಈ ವರದಿ ಅಮೆರಿಕಾದ ಆರ್ಥಿಕತೆ ರೂಪಿಸುವಲ್ಲಿ ಪ್ರಮುಖ ಪಾತ್ರವಹಿಸುವ ಉದ್ಯೋಗಗಳ ಸಂಪೂರ್ಣ ಚಿತ್ರಣವನ್ನು ಎಳೆಎಳೆಯಾಗಿ ತೆರೆದಿಟ್ಟಿದೆ.

ಅಮೆರಿಕದಲ್ಲಿ ವಿದೇಶಿ ಉದ್ಯೋಗಿಗಳಿಗೆ ಹೆಚ್ಚಿದ ಸವಾಲು, H-1B ವೀಸಾಗೆ ಪರ್ಯಾಯದ ಹುಡುಕಾಟದಲ್ಲಿ US ಕಂಪನಿಗಳು ಹದಗೆಡುತ್ತಿರುವ ಪರಿಸ್ಥಿತಿಯಿಂದಾಗಿ‌ ಫೆಡರಲ್ ರಿಸರ್ವ್‌ಗೆ ಹೊರೆ ಒಂದು ಕಡೆ ಕಾರ್ಮಿಕ ಮಾರುಕಟ್ಟೆ ದುರ್ಬಲಗೊಳ್ಳುತ್ತಿದೆ, ಇನ್ನೊಂದು ಕಡೆ ಬೆಲೆ ಏರಿಕೆ ಹೆಚ್ಚಾಗುತ್ತಿದೆ.

ಆರ್ಥಿಕತೆಯ ಭವಿಷ್ಯ ಅನಿಶ್ಚಿತವಾಗಿರುವುದರಿಂದ ಫೆಡರಲ್ ರಿಸರ್ವ್‌ ಗೆ ಇನ್ನಷ್ಟು ಹೊರೆ ಹೆಚ್ಚಾಗಿದ್ದು, ಬಡ್ಡಿದರಗಳ ಕಡಿತದ ಬಗ್ಗೆ ಆಂತರಿಕೆ ಚರ್ಚೆ ಹೆಚ್ಚಾಗುತ್ತಿದೆ. ಈಗಾಗಲೇ ಕಳೆದ ವಾರ ಫೆಡರಲ್ ರಿಸರ್ವ್‌ ಕಳೆದ ವಾರ ಬಡ್ಡಿದರವನ್ನು ಶೇ. 0.25ರಷ್ಟು ಕಡಿತಗೊಳಿಸಿದೆ. ಇದು ಈ ವರ್ಷದ ಮೂರನೇ ಬಡ್ಡಿದರ ಕಡಿತವಾಗಿದ್ದು, ಪರಿಸ್ಥಿತಿ ಹೀಗೆ ಮುಂದುವರಿದರೆ 2026ರಲ್ಲಿ ಮತ್ತಷ್ಟು ಬಡ್ಡಿದರ ಕಡಿತಗೊಳಿಸುವ ಪರಿಸ್ಥಿತಿ ಬಂದೊದಗಬಹುದು.

ಇನ್ನು, ಈ ಕುರಿತು ಮಾತನಾಡಿರುವ ನಾರ್ಥ್‌ಲೈಟ್ ಅಸೆಟ್ ಮ್ಯಾನೇಜ್‌ಮೆಂಟ್‌ನ ಮುಖ್ಯ ಹೂಡಿಕೆ ಅಧಿಕಾರಿ ಕ್ರಿಸ್ ಝಾಕರಲ್ಲಿ”ಡೇಟಾವನ್ನು ಆಧರಿಸಿ ನಿರ್ಧಾರ ತೆಗೆದುಕೊಳ್ಳುವ ಫೆಡರಲ್ ರಿಸರ್ವ್‌ಗೆ, ಈ ವರದಿ ಆಂತರಿಕ ಚರ್ಚೆಯನ್ನು ಇನ್ನಷ್ಟು ಹೆಚ್ಚಿಸುತ್ತಿದ್ದು,ಈ ವಿಳಂಬ ದತ್ತಾಂಶ ಅರ್ಥೈಸಿಕೊಳ್ಳುವಲ್ಲಿ ಅರ್ಥಶಾಸ್ತ್ರಜ್ಞರಿಗೆ ಕಷ್ಟವಾಗುತ್ತಿದೆ” ಎಂದು ತಿಳಿಸಿದ್ದಾರೆ.

ಶ್ವೇತಭವನ ಹೇಳೋದೇನು? ಕಾರ್ಮಿಕ ಮಾರುಕಟ್ಟೆಯಲ್ಲಿ ದುರ್ಬಲತೆ ಹೆಚ್ಚುತ್ತಿದ್ದು, ಅಮೆರಿಕಾದ ಆರ್ಥಿಕ ಪರಿಸ್ಥಿತಿ ಕ್ಷೀಣಿಸುವಂತಹ ಪರಿಸ್ಥಿತಿ ಇದ್ದರೂ ಸಹ ಟ್ರಂಪ್‌ ಆಡಳಿತ ಮಾತ್ರ ಏನೂ ಆಗಿಲ್ಲ, ಎಲ್ಲಾ ನಾವು ಅಂದುಕೊಂಡತೆ ನಡೆಯುತ್ತಿದೆ ಎಂದು ಮೊಂಡುವಾದಕ್ಕೆ ಬಿದ್ದಂತಿದೆ.

ವರದಿ ಬಿಡುಗಡೆಯಾದ ಬೆನ್ನಲ್ಲೇ ಮಾತನಾಡಿದ ಶ್ವೇತಭವನದ ರಾಷ್ಟ್ರೀಯ ಆರ್ಥಿಕ ಮಂಡಳಿಯ ನಿರ್ದೇಶಕ ಕೆವಿನ್ ಹ್ಯಾಸೆಟ್ “ಈ ಅಂಕಿಅಂಶಗಳು ನಿರೀಕ್ಷಿತ ಮಾದರಿಯನ್ನೇ ಅನುಸರಿಸುತ್ತಿವೆ. ಖಾಸಗಿ ವಲಯದ ದೃಷ್ಟಿಕೋನದಿಂದ ನೋಡಿದರೆ, ಇದು ವರ್ಷವಿಡೀ ನಾವು ನೋಡುತ್ತಿರುವಂತೆಯೇ ಇದೆ. ಇದು ಸ್ಥಿರವಾದ ಏರಿಕೆಯ ಹಾದಿಯಲ್ಲಿದೆ” ಎಂದು ಏನೂ ಆಗಿಲ್ಲ ಎಂದು ಮರೆಮಾಚುವ ಕೆಲಸದಲ್ಲಿ ತೊಡಗಿದ್ದಾರೆ.