ಸೆಪ್ಟೆಂಬರ್ 2024ರ ನಂತರ ಇದೇ ಮೊದಲ ಬಾರಿಗೆ ಸಾರ್ವಕಾಲಿಕ ಗರಿಷ್ಠ ಮಟ್ಟವನ್ನು ತಲುಪಿದ ನಿಫ್ಟಿ

ಹೊಸದಲ್ಲಿ: ಸೆಪ್ಟೆಂಬರ್ 2024ರ ನಂತರ ಇದೇ ಮೊದಲ ಬಾರಿಗೆ ಸಾರ್ವಕಾಲಿಕ ಗರಿಷ್ಠ ಮಟ್ಟವನ್ನು ತಲುಪಿದ ನಿಫ್ಟಿ ರಿಲಯನ್ಸ್, ಐಸಿಐಸಿಐ ಬ್ಯಾಂಕ್ ಮತ್ತು ಭಾರ್ತಿ ಏರ್‌ಟೆಲ್ ಷೇರುಗಳಲ್ಲಿನ ಏರಿಕೆಯಿಂದ ಮಾರುಕಟ್ಟೆಗೆ ಬಲ ಮುಂದಿನ ತಿಂಗಳು ಅಮೆರಿಕದ ಫೆಡ್‌ ಮತ್ತು ಆರ್‌ಬಿಐ ಬಡ್ಡಿ ದರಗಳನ್ನು ಇಳಿಕೆ ಮಾಡುವ ಸಾಧ್ಯತೆ ಸೆನ್ಸೆಕ್ಸ್ ಕೂಡ ಏರಿಕೆ ಕಂಡಿದ್ದು, ತನ್ನ ಹಳೆಯ ದಾಖಲೆಗಿಂತ ಕೇವಲ 100 ಪಾಯಿಂಟ್‌ಗಳಷ್ಟು ದೂರದಲ್ಲಿದೆ ಬಿಎಸ್‌ಇ ಸೂಚ್ಯಂಕ ನಿಫ್ಟಿ 50 ಸೂಚ್ಯಂಕ ಸಾರ್ವಕಾಲಿಕ ಗರಿಷ್ಠ ಮಟ್ಟ ಮುಟ್ಟಿದೆ.

ಭಾರತೀಯ ಷೇರು ಮಾರುಕಟ್ಟೆ ಸುದೀರ್ಘ ಕಾಲದ ಮಂದಗತಿಯನ್ನು ಮುರಿದಿದ್ದು, ಹೂಡಿಕೆದಾರರ ಮೊಗದಲ್ಲಿ ಮಂದಹಾಸ ಮೂಡಿಸಿದೆ. ಸುಮಾರು 14 ತಿಂಗಳುಗಳ ನಂತರ, ನಿಫ್ಟಿ50 ಸೂಚ್ಯಂಕವು ತನ್ನ ಹಿಂದಿನ ಎಲ್ಲಾ ದಾಖಲೆಗಳನ್ನು ಮುರಿದು, ಹೊಸ ಸಾರ್ವಕಾಲಿಕ ಗರಿಷ್ಠ ಮಟ್ಟವನ್ನು ತಲುಪಿದೆ. ಕಳೆದ ಸೆಪ್ಟೆಂಬರ್ 2024ರಲ್ಲಿ ನಿಫ್ಟಿ 26,277 ಪಾಯಿಂಟ್‌ಗಳ ದಾಖಲೆ ಬರೆದಿತ್ತು.

ಈ ಮಟ್ಟವನ್ನು ಮೀರಿ ನಿಲ್ಲಲು ಮಾರುಕಟ್ಟೆಯು ಬರೋಬ್ಬರಿ 289 ವಹಿವಾಟು ಅವಧಿಗಳನ್ನು ತೆಗೆದುಕೊಂಡಿದೆ. ಭೌಗೋಳಿಕ ರಾಜಕೀಯ ಉದ್ವಿಗ್ನತೆ ಮತ್ತು ಅಮೆರಿಕದೊಂದಿಗೆ ವಾಣಿಜ್ಯ ಒಪ್ಪಂದದ ಅಲಭ್ಯತೆಯ ನಡುವೆಯೂ ಮಾರುಕಟ್ಟೆಯು ಈ ಮೈಲಿಗಲ್ಲನ್ನು ಸಾಧಿಸಿರುವುದು ವಿಶೇಷವಾಗಿದೆ.

ಏರಿಕೆಗೆ ಕಾರಣ ಏನು? ಮಾರುಕಟ್ಟೆಯ ಈ ದಿಢೀರ್ ಜಿಗಿತಕ್ಕೆ ಪ್ರಮುಖವಾಗಿ ಬಡ್ಡಿ ದರ ಕಡಿತದ ನಿರೀಕ್ಷೆಗಳೇ ಕಾರಣ ಎನ್ನಲಾಗಿದೆ. ಮುಂದಿನ ತಿಂಗಳು ಅಮೆರಿಕದ ಫೆಡರಲ್ ರಿಸರ್ವ್ ಬಡ್ಡಿ ದರವನ್ನು ಕಡಿತಗೊಳಿಸಲಿದೆ ಎಂಬ ವಿಶ್ವಾಸ ಹೂಡಿಕೆದಾರರಲ್ಲಿದೆ. ಅದೇ ಮಾದರಿಯಲ್ಲಿ, ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್‌ಬಿಐ) ಕೂಡ ಬಡ್ಡಿ ದರ ತಗ್ಗಿಸಬಹುದು ಎಂಬ ನಿರೀಕ್ಷೆಯು ಮಾರುಕಟ್ಟೆಗೆ ಹೊಸ ಚೈತನ್ಯ ನೀಡಿದೆ.

ಜಿಯೋ ಗ್ರಾಹಕರಿಗೆ ಬಂಪರ್‌ ಗಿಫ್ಟ್‌, ಷೇರು ಮಾರುಕಟ್ಟೆಗೆ ಕಾಲಿಟ್ಟ ಜಿಯೋ, ಹೊಸ ಯೋಜನೆಯೊಂದಿಗೆ ಬಂದ ಮುಕೇಶ್‌ ಅಂಬಾನಿ ನಿಫ್ಟಿಯ ಈ ಓಟಕ್ಕೆ ಪ್ರಮುಖ ಬ್ಲೂ ಚಿಪ್ ಕಂಪನಿಗಳು ಬೆಂಬಲ ನೀಡಿವೆ. ಮುಖ್ಯವಾಗಿ ಭಾರ್ತಿ ಏರ್‌ಟೆಲ್, ಐಸಿಐಸಿಐ ಬ್ಯಾಂಕ್ ಮತ್ತು ರಿಲಯನ್ಸ್ ಇಂಡಸ್ಟ್ರೀಸ್ ಕಂಪನಿಗಳ ಷೇರುಗಳು ಉತ್ತಮ ಪ್ರದರ್ಶನ ನೀಡುವ ಮೂಲಕ ಸೂಚ್ಯಂಕದ ಏರಿಕೆಗೆ ಕೊಡುಗೆ ನೀಡಿವೆ. ಸೆನ್ಸೆಕ್ಸ್ ಕೂಡ ಏರಿಕೆ ನಿಫ್ಟಿಯ ಜೊತೆಗೆ ಸೆನ್ಸೆಕ್ಸ್ ಕೂಡ ಉತ್ತಮ ವಹಿವಾಟು ನಡೆಸುತ್ತಿದೆ.

ಹಿಂದಿನ ಮುಕ್ತಾಯಕ್ಕಿಂತ 300 ಪಾಯಿಂಟ್‌ಗಳಷ್ಟು ಏರಿಕೆ ಕಂಡಿರುವ ಸೆನ್ಸೆಕ್ಸ್, ಕಳೆದ ಸೆಪ್ಟೆಂಬರ್‌ನಲ್ಲಿ ತಲುಪಿದ್ದ 85,978.25 ಪಾಯಿಂಟ್‌ಗಳ ಐತಿಹಾಸಿಕ ಗರಿಷ್ಠ ಮಟ್ಟಕ್ಕಿಂತ ಕೇವಲ 100 ಅಂಕಗಳಷ್ಟು ಕೆಳಗಿದೆ. ಕಳೆದ ಕೆಲವು ತಿಂಗಳುಗಳಿಂದ ಭಾರತೀಯ ಮಾರುಕಟ್ಟೆಗಳು ಏಷ್ಯಾದ ಇತರ ಮಾರುಕಟ್ಟೆಗಳಿಗೆ ಹೋಲಿಸಿದರೆ ಕಳಪೆ ಪ್ರದರ್ಶನ ನೀಡಿದ್ದವು.

ಹೆಚ್ಚಿನ ಮೌಲ್ಯಮಾಪನ, ನಿರೀಕ್ಷಿತ ಮಟ್ಟ ತಲುಪುವಲ್ಲಿ ವಿಫಲವಾದ ಕಾರ್ಪೊರೇಟ್ ಗಳಿಕೆಗಳು ಮತ್ತು ವಿದೇಶಿ ಬಂಡವಾಳದ ಹೊರಹರಿವು ಮಾರುಕಟ್ಟೆಯ ಇಳಿಕೆಗೆ ಕಾರಣವಾಗಿದ್ದು. ಆದರೆ ನಂತರದ ದಿನಗಳಲ್ಲಿ ತೆರಿಗೆ ಕಡಿತ ಮತ್ತು ಮೌಲ್ಯಮಾಪನದಲ್ಲಿನ ಸುಧಾರಣೆಗಳು ಹೂಡಿಕೆದಾರರ ವಿಶ್ವಾಸವನ್ನು ಮರಳಿ ತಂದಿವೆ.

ಸದ್ಯ ಎಷ್ಟಿದೆ ಸೆನ್ಸೆಕ್ಸ್‌, ನಿಫ್ಟಿ? ಗುರುವಾರ ಬೆಳಿಗ್ಗೆ 10:30ರ ಹೊತ್ತಿಗೆ ಸೆನ್ಸೆಕ್ಸ್‌ 269 ಅಂಕ (ಶೇ. 0.31) ಏರಿಕೆ ಕಂಡು 85,878ರ ಮಟ್ಟದಲ್ಲಿ ವಹಿವಾಟು ಮುಂದುವರಿಸಿದೆ. ನಿಫ್ಟಿ 50ಯು 62 ಅಂಕ ಅಥವಾ ಶೇ. 0.24ರಷ್ಟು ಏರಿಕೆ ಕಂಡು 26,267ರಲ್ಲಿ ವಹಿವಾಟು ನಡೆಸುತ್ತಿದೆ.”