ಸರ್ಕಾರಿ ಯೋಜನೆಗಳ ಕುಂದುಕೊರತೆ ಪರಿಹಾರ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸಲು AI ಆಧಾರಿತ ವ್ಯವಸ್ಥೆ!

ಬೆಂಗಳೂರು: ನೀರು ಸರಬರಾಜು, ವಿದ್ಯುತ್ ಸಂಪರ್ಕ, ಕೆಟ್ಟ ರಸ್ತೆಗಳು ಅಥವಾ ಸರ್ಕಾರಿ ಯೋಜನೆಗಳ ಬಗ್ಗೆ ಸರ್ಕಾರಿ ಅಧಿಕಾರಿಗಳಿಗೆ ದೂರು ಬರೆಯಲು ನೀವು ಎಂದಾದರೂ ಕಷ್ಟಪಟ್ಟಿದ್ದೀರಾ? ಇನ್ನು ಮುಂದೆ ಅಂತಹ ಕಷ್ಟ ಎದುರಾಗುವುದಿಲ್ಲ, ಏಕೆಂದರೆ ಡಿಸೆಂಬರ್ ಹೊತ್ತಿಗೆ, ಎಲ್ಲಾ ಸರ್ಕಾರಿ ಇಲಾಖೆಗೆ ಕುಂದುಕೊರತೆಗಳ ಸಂಬಂಧ ಪತ್ರ ಬರೆಯುವುದು ಸುಲಭವಾಗುತ್ತದೆ.

ಕರ್ನಾಟಕ ಇ-ಆಡಳಿತ ಕೇಂದ್ರವು ಕೃತಕ ಬುದ್ಧಿಮತ್ತೆ-ಸಕ್ರಿಯಗೊಳಿಸಿದ ಕುಂದುಕೊರತೆ ಪರಿಹಾರ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸುತ್ತಿದೆ, ಅಲ್ಲಿ ವ್ಯಕ್ತಿಯೊಬ್ಬರು ಮೂಲಭೂತ ಮಾಹಿತಿಯನ್ನು ಮಾತ್ರ ಒದಗಿಸಬೇಕಾಗುತ್ತದೆ ಮತ್ತು ವ್ಯವಸ್ಥೆಯು ಪತ್ರವನ್ನು ತಯಾರಿಸುತ್ತದೆ. ನಂತರ ಅದನ್ನು ಸಂಬಂಧಪಟ್ಟ ಅಧಿಕಾರಿಗಳಿಗೆ ಕಳುಹಿಸುತ್ತದೆ. ದೂರುದಾರರು ಮೌಖಿಕ ಸೂಚನೆಗಳನ್ನು ನೀಡಬಹುದು ಮತ್ತು ಆಡಳಿತ ವ್ಯವಸ್ಥೆಯು ಪತ್ರ ಬರೆಯಲು ಕೆಲವು ಪ್ರಮುಖ ಪದಗಳನ್ನು ಉಚ್ಚರಿಸಬಹುದು.

ಇದು ಕನ್ನಡ ಮತ್ತು ಇಂಗ್ಲಿಷ್ ಎರಡರಲ್ಲೂ ಲಭ್ಯವಿರುತ್ತದೆ. 2021 ರಿಂದ ಸಮಗ್ರ ಸಾರ್ವಜನಿಕ ಕುಂದುಕೊರತೆ ಪರಿಹಾರ ವ್ಯವಸ್ಥೆ (iPGRS)ಕಾರ್ಯನಿರ್ವಹಿಸುತ್ತಿದೆ, ಅದರ ಮೂಲಕ ವೆಬ್‌ಸೈಟ್ ಬಳಸಿ ದೂರುಗಳನ್ನು ಸಲ್ಲಿಸಬಹುದು. ಇಲ್ಲಿ, ದೂರುದಾರರ ಹೆಸರು, ಸ್ಥಳ, ಫೋನ್ ಸಂಖ್ಯೆ ಸೇರಿದಂತೆ ಮೂಲ ವಿವರಗಳನ್ನು ನಮೂದಿಸಬೇಕು ಮತ್ತು ನಂತರ ದೂರು ನೀಡಲು ಇಲಾಖೆಯನ್ನು ಹುಡುಕಬೇಕು.

ಅಸ್ತಿತ್ವದಲ್ಲಿರುವ ವ್ಯವಸ್ಥೆಯಲ್ಲಿ, ದೂರು ನೀಡಲು ಇಲಾಖೆಯನ್ನು ಆಯ್ಕೆ ಮಾಡಬೇಕಾಗುತ್ತದೆ. ಕೆಲವು ಸಂದರ್ಭಗಳಲ್ಲಿ, ಜನರಿಗೆ ತಮ್ಮ ಸಮಸ್ಯೆ ಬಗ್ಗೆ ಯಾವ ಇಲಾಖೆಯನ್ನು ಸಂಪರ್ಕಿಸಬೇಕೆಂದು ತಿಳಿದಿರುವುದಿಲ್ಲ. ಹೊಸ AI-ಸಕ್ರಿಯಗೊಳಿಸಿದ ವ್ಯವಸ್ಥೆಯಲ್ಲಿ, ದೂರುದಾರರ ಮೂಲಭೂತ ಮಾಹಿತಿ ಮತ್ತು ಎಷ್ಟು ದಿನಗಳವರೆಗೆ ನೀರು ಸರಬರಾಜು ಅಡಚಣೆ ಇರುತ್ತದೆ., ವಿದ್ಯುತ್ ಕಡಿತದ ಸಮಯ, ಕೆಟ್ಟ ರಸ್ತೆಗಳು, ಯೋಜನೆಗಳ ಅಡಿಯಲ್ಲಿ ಹಣವನ್ನು ಜಮಾ ಮಾಡದಿರುವುದು ಮುಂತಾದ ಪ್ರಮುಖ ಪದಗಳನ್ನು ಮಾತ್ರ ನೀಡಬೇಕಾಗುತ್ತದೆ.

ಜನರು ಸಮಸ್ಯೆ ವಿವರಿಸಲು ಧ್ವನಿ ಆಧಾರಿತ ಸಂದೇಶ ನೀಡಬಹುದು ಜನರು ತಮ್ಮ ಸಮಸ್ಯೆಗಳನ್ನು ವಿವರಿಸುವ ಧ್ವನಿ ಸಂದೇಶವನ್ನು ಸಹ ನೀಡಬಹುದಾಗಿದೆ. ಅವರ ಕುಂದುಕೊರತೆಗಳಿಗೆ ಸಂಬಂಧಿಸಿದ ಫಾರ್ಮ್‌ಗಳು ಅಥವಾ ಫೋಟೋಗಳನ್ನು ಸಲ್ಲಿಸಬಹುದು. ಇದನ್ನು ಸ್ವಯಂಚಾಲಿತವಾಗಿ ಸಂಬಂಧಪಟ್ಟ ಇಲಾಖೆ ಮತ್ತು ಜಿಲ್ಲೆಯಿಂದ ಸಂಬಂಧಪಟ್ಟ ವ್ಯಕ್ತಿಗೆ ನಿರ್ದೇಶಿಸಲಾಗುತ್ತದೆ.

ಇದು ChatGPT ಬಳಸಿ ದೂರುದಾರರ ಪತ್ರವನ್ನು ರಚಿಸುವುದಲ್ಲದೆ, ಪ್ರತಿ ದೂರಿಗೆ ಕುಂದುಕೊರತೆ ID ಯನ್ನು ಸಹ ರಚಿಸುತ್ತದೆ” ಎಂದು ಮೂಲಗಳು ತಿಳಿಸಿವೆ. ದೂರುದಾರರು ತಮ್ಮ ಫೋನ್ ಸಂಖ್ಯೆ ಮತ್ತು ವಿಳಾಸದೊಂದಿಗೆ ಸಂಬಂಧಪಟ್ಟ ಪ್ರಾಧಿಕಾರದ ಸಂದೇಶವನ್ನು ಪಡೆಯುತ್ತಾರೆ. ಕುಂದುಕೊರತೆ ಪರಿಹಾರವು ಕಾಲಮಿತಿಯೊಳಗೆ ಇರುತ್ತದೆ.

ಏಳು ದಿನಗಳಲ್ಲಿ ದೂರಿನ ಪರಿಹಾರ ಪೂರ್ಣಗೊಳಿಸಬೇಕು ಕಿರಿಯ ಅಧಿಕಾರಿಯೊಬ್ಬರು ಸಮಸ್ಯೆಯನ್ನು ಪರಿಹರಿಸಲು ವಿಫಲವಾದರೆ, ಎಂಟನೇ ದಿನದಂದು, ಅದನ್ನು ಸ್ವಯಂಚಾಲಿತವಾಗಿ ಅವರ ಹಿರಿಯ ಅಧಿಕಾರಿಗೆ ತಿಳಿಸಲಾಗುತ್ತದೆ. ಇಲ್ಲೂ ಸಹ, ಏಳು ದಿನಗಳ ಕಾಲಾವಕಾಶ ನೀಡಲಾಗುವುದು ಮತ್ತು ಅಂತಿಮವಾಗಿ ಇಲಾಖೆಯ ಮುಖ್ಯಸ್ಥರಿಗೆ 15 ನೇ ದಿನದಂದು ಸಂದೇಶ ಸಿಗುತ್ತದೆ. ಅದಾದ ನಂತರ ಅದನ್ನು 21 ದಿನಗಳಲ್ಲಿ ಪರಿಹರಿಸಬೇಕು ಎಂದು ಮೂಲಗಳು ವಿವರಿಸಿವೆ. ಈ ವ್ಯವಸ್ಥೆಯು ಪ್ರಾಯೋಗಿಕ ಹಂತದಲ್ಲಿದ್ದು, ಮುಂದಿನ ತಿಂಗಳು ಬಿಡುಗಡೆಯಾಗುವ ನಿರೀಕ್ಷೆಯಿದೆ.