ರಾಜ್ಯ ಸರ್ಕಾರದ ಮಹತ್ವಾಕಾಂಕ್ಷಿ ಪೆರಿಫೆರಲ್ ರಿಂಗ್ ರೋಡ್ ಯೋಜನೆಗೆ ಹೊಸ ವಿನ್ಯಾಸ

ಬೆಂಗಳೂರು: 73 ಕಿ.ಮೀ. ಉದ್ದದ ಪಿಆರ್‌ಆರ್‌-1 ವಿನ್ಯಾಸದಲ್ಲಿ ಬದಲಾವಣೆ 100 ಮೀ. ಕಾರಿಡಾರ್‌ನಲ್ಲಿ 65 ಮೀ. ರಸ್ತೆಗೆ, 35 ಮೀ. ವಾಣಿಜ್ಯ ಅಭಿವೃದ್ಧಿಗೆ ಬಳಕೆ ಮುಖ್ಯ ರಸ್ತೆಯೊಂದಿಗೆ ಸರ್ವೀಸ್ ರಸ್ತೆ, ಪಾದಚಾರಿ ಮಾರ್ಗ ಮತ್ತು ಮೆಟ್ರೋಗೆ ಜಾಗ ಮೀಸಲು ₹22,600 ಕೋಟಿ ಯೋಜನೆಗೆ ವಾಣಿಜ್ಯ ನಿವೇಶನ ಹರಾಜು, ಸುಧಾರಣಾ ಶುಲ್ಕದಿಂದ ಹಣ ಸಂಗ್ರಹ ರಸ್ತೆಯ 1 ಕಿ.ಮೀ. ವ್ಯಾಪ್ತಿಯಲ್ಲಿ ಆಸ್ತಿ ನೋಂದಣಿಗೆ ಶೇ. 1ರಷ್ಟು ಸೆಸ್ ವಿಧಿಸಲು ತೀರ್ಮಾನ ಮಹತ್ವಾಕಾಂಕ್ಷಿ ಪೆರಿಫೆರಲ್ ರಿಂಗ್ ರೋಡ್ ಯೋಜನೆಗೆ ಹೊಸ ವಿನ್ಯಾಸ ನೀಡಲಾಗಿದೆ.

ರಾಜ್ಯ ಸರ್ಕಾರದ ಮಹತ್ವಾಕಾಂಕ್ಷಿ ಯೋಜನೆಯಾದ ಪೆರಿಫೆರಲ್ ರಿಂಗ್ ರೋಡ್ (ಪಿಆರ್‌ಆರ್‌-1) ಅಥವಾ ಬೆಂಗಳೂರು ಬ್ಯುಸಿನೆಸ್‌ ಕಾರಿಡಾರ್‌ಗೆ ಹೊಸ ವಿನ್ಯಾಸ ನೀಡಲಾಗಿದ್ದು, ಯೋಜನಾ ವೆಚ್ಚವನ್ನು ಭರಿಸಲು ವಿನೂತನ ಮಾದರಿಯನ್ನು ಅಳವಡಿಸಿಕೊಳ್ಳಲಾಗಿದೆ. ಈ ಹಿಂದೆ ಉದ್ದೇಶಿಸಿದ್ದ 100 ಮೀಟರ್ ಅಗಲದ ರಸ್ತೆಯ ಬದಲಿಗೆ, ಇದೀಗ 65 ಮೀಟರ್‌ಗೆ ಕಾರಿಡಾರ್ ಅನ್ನು ಸೀಮಿತಗೊಳಿಸಿ, ಮೆಟ್ರೋ ರೈಲು ಹಾಗೂ ವಾಣಿಜ್ಯ ಚಟುವಟಿಕೆಗಳಿಗೆ ಅವಕಾಶ ಕಲ್ಪಿಸಲಾಗಿದೆ.

ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ (ಬಿಡಿಎ) ಸಿದ್ಧಪಡಿಸಿರುವ ನೂತನ ವಿನ್ಯಾಸದ ಪ್ರಕಾರ, 73 ಕಿಲೋಮೀಟರ್ ಉದ್ದದ ಪಿಆರ್‌ಆರ್‌ನಲ್ಲಿ 65 ಮೀಟರ್ ಜಾಗವನ್ನು ರಸ್ತೆ, ಸರ್ವೀಸ್ ರಸ್ತೆ ಮತ್ತು ಭವಿಷ್ಯದ ಮೆಟ್ರೋ ಮಾರ್ಗಕ್ಕಾಗಿ ಬಳಸಲಾಗುತ್ತದೆ. ಇದರಲ್ಲಿ 8 ಪಥಗಳ ಮುಖ್ಯ ರಸ್ತೆ, ಎರಡೂ ಬದಿಯಲ್ಲಿ ತಲಾ 9 ಮೀಟರ್ ಅಗಲದ ಸರ್ವೀಸ್ ರಸ್ತೆ, ಪಾದಚಾರಿ ಮಾರ್ಗ ಮತ್ತು ಮೆಟ್ರೋ ಅಥವಾ ಎಲಿವೇಟೆಡ್ ರೈಲು ವ್ಯವಸ್ಥೆಗಾಗಿ 5 ಮೀಟರ್ ಜಾಗವನ್ನು ಕಾಯ್ದಿರಿಸಲಾಗುತ್ತದೆ.  

ಬಾಕಿ ಉಳಿಯುವ 35 ಮೀಟರ್ ಅಗಲದ ಜಾಗವನ್ನು ವಾಣಿಜ್ಯ ಉದ್ದೇಶಗಳಿಗೆ ಬಳಸಿಕೊಳ್ಳಲು ಸರ್ಕಾರ ನಿರ್ಧರಿಸಿದೆ. ಈ ಜಾಗದಲ್ಲಿ ಮಾಲ್‌, ರೆಸ್ಟೊರೆಂಟ್‌, ಪೆಟ್ರೋಲ್ ಬಂಕ್‌ ಹಾಗೂ ಐಟಿ ಪಾರ್ಕ್‌ಗಳಂತಹ ವಾಣಿಜ್ಯ ನಿವೇಶನಗಳನ್ನು ಅಭಿವೃದ್ಧಿಪಡಿಸಿ ಹರಾಜು ಹಾಕಲಾಗುತ್ತದೆ.

ಇದರಿಂದ ಬರುವ ಆದಾಯವನ್ನು ಯೋಜನೆಯ ಸಾಲ ಮರುಪಾವತಿಗೆ ಬಳಸಿಕೊಳ್ಳುವ ಗುರಿ ಹೊಂದಲಾಗಿದೆ. ಎರಡು ದಶಕಗಳ ಕಾಯುವಿಕೆ ಅಂತ್ಯ! ಬೆಂಗಳೂರು ಬ್ಯುಸಿನೆಸ್‌ ಕಾರಿಡಾರ್‌ಗೆ ವೇಗ, ಇರಲಿದೆ ಮೆಟ್ರೋ, 8 ಪಥದ ಎಕ್ಸ್‌ಪ್ರೆಸ್‌ವೇ! ಟ್ರಾಫಿಕ್‌ಗೆ ಸಿಗುತ್ತಾ ಮುಕ್ತಿ? ಯೋಜನೆಯ ಒಟ್ಟು ಅಂದಾಜು ವೆಚ್ಚ 22,600 ಕೋಟಿ ರೂ. ಆಗಿದ್ದು, ಇದರಲ್ಲಿ 15,600 ಕೋಟಿ ರೂ. ಭೂಸ್ವಾಧೀನಕ್ಕೆ ಮತ್ತು 7,000 ಕೋಟಿ ರೂ. ರಸ್ತೆ ನಿರ್ಮಾಣಕ್ಕೆ ಮೀಸಲಿಡಲಾಗಿದೆ.

ಈ ಹಣವನ್ನು ಹುಡ್ಕೋದಿಂದ ಸಾಲ ಪಡೆಯಲಾಗುತ್ತಿದ್ದು, ವಾಣಿಜ್ಯ ನಿವೇಶನಗಳ ಹರಾಜು, ಟೋಲ್ ಸಂಗ್ರಹ, ಸುಧಾರಣಾ ಶುಲ್ಕ ಮತ್ತು ಆಸ್ತಿ ನೋಂದಣಿ ಮೇಲಿನ ಸೆಸ್ ಮೂಲಕ ಸಂಪನ್ಮೂಲ ಕ್ರೋಢೀಕರಿಸಲು ತೀರ್ಮಾನಿಸಲಾಗಿದೆ. ಭೂಮಿ ಕಳೆದುಕೊಳ್ಳುವ ರೈತರಿಗೆ ಸರ್ಕಾರವು ನಾಲ್ಕು ಪರಿಹಾರ ಆಯ್ಕೆಗಳನ್ನು ಮುಂದಿಟ್ಟಿದೆ.

ಇದರಲ್ಲಿ ನಗದು ಪರಿಹಾರ, ಟಿಡಿಆರ್, ಎಫ್‌ಎಆರ್‌ ಜೊತೆಗೆ ಅಭಿವೃದ್ಧಿಪಡಿಸಿದ ವಸತಿ ಅಥವಾ ವಾಣಿಜ್ಯ ನಿವೇಶನಗಳನ್ನು ಪಡೆಯುವ ಅವಕಾಶವೂ ಸೇರಿದೆ. ಎಕರೆಗೆ 60:40ರ ಅನುಪಾತದಲ್ಲಿ 9583 ಚದರ ಅಡಿಯಷ್ಟು ಅಭಿವೃದ್ಧಿಪಡಿಸಿದ ವಸತಿ ನಿವೇಶನ, ವಾಣಿಜ್ಯ ನಿವೇಶನಗಳನ್ನು ಕೋರಿದವರಿಗೆ 65:35ರ ಅನುಪಾತದಲ್ಲಿ 8385 ಚದರ ಅಡಿ ಜಾಗವನ್ನು ಪರಿಹಾರದ ರೂಪದಲ್ಲಿ ನೀಡಲಾಗುತ್ತದೆ.”