ಜಗತ್ತಿನ ಪ್ರತಿಷ್ಠಿತ ನೊಬೆಲ್ ಶಾಂತಿ ಪ್ರಶಸ್ತಿಯು ಇಂದು (ಅ.10) ಭಾರತೀಯ ಕಾಲಮಾನದ ಮಧ್ಯಾಹ್ನ 2:30 ಕ್ಕೆ ಘೋಷಣೆ

ಭಾರತ ಹಾಗೂ ಪಾಕಿಸ್ತಾನದ ನಡುವಿನ ಆಪರೇಷನ್ ಸಿಂಧೂರ್ ಸಂಘರ್ಷವನ್ನು ನಿಲ್ಲಿಸಿದ ಕ್ರೆಡಿಟ್ ಕೂಡಾ ಸ್ವತಃ ತೆಗೆದುಕೊಂಡಿರುವ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ತಮಗೆ ನೋಬೆಲ್ ಶಾಂತಿ ಪ್ರಶಸ್ತಿ ‘ಸಿಗಬೇಕು’ ಎಂದು ಪದೇ ಪದೇ ಹೇಳಿಕೊಂಡಿರುವ ಟ್ರಂಪ್ ಅಮೆರಿಕದ ಮಾಜಿ ಅಧ್ಯಕ್ಷ ಬರಾಕ್ ಒಬಾಮಾ ಅವರಿಗೆ ಈ ಗೌರವ ಲಭಿಸಿದ್ದನ್ನು ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ತೀವ್ರವಾಗಿ ಟೀಕಿಸಿದ್ದಾರೆ 

ನಾರ್ವೆ: ಜಗತ್ತಿನ ಪ್ರತಿಷ್ಠಿತ ನೊಬೆಲ್ ಶಾಂತಿ ಪ್ರಶಸ್ತಿಯು ಇಂದು (ಅ.10) ಭಾರತೀಯ ಕಾಲಮಾನದ ಮಧ್ಯಾಹ್ನ 2:30 ಕ್ಕೆ ಘೋಷಣೆ ಆಗಲಿದೆ. ವ್ಯಕ್ತಿ ಅಥವಾ ಸಂಸ್ಥೆಗೆ ಈ ಪ್ರಶಸ್ತಿ ಕೊಡಲಾಗುತ್ತದೆ. ಈ ಬಾರಿ ಈ ಪ್ರಶಸ್ತಿಗಾಗಿ ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಪೈಪೋಟಿ ನೀಡುತ್ತಿರುವುದು ಭಾರಿ ಸುದ್ದಿಯಾಗಲು ಕಾರಣವಾಗಿದೆ.

ಭಾರತ ಹಾಗೂ ಪಾಕಿಸ್ತಾನದ ನಡುವಿನ ಆಪರೇಷನ್ ಸಿಂಧೂರ್ ಸಂಘರ್ಷವನ್ನು ನಿಲ್ಲಿಸಿದ ಕ್ರೆಡಿಟ್ ಕೂಡಾ ಸ್ವತಃ ತೆಗೆದುಕೊಂಡಿರುವ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹಲವು ಯುದ್ಧಗಳನ್ನು ನಿಲ್ಲಿಸಿದ್ದೇನೆ , ಶಾಂತಿ ಮಾತುಕತೆ ನಡೆಸಿದ್ದೇನೆ ಹಾಗಾಗಿ ತಮಗೆ ನೋಬೆಲ್ ಶಾಂತಿ ಪ್ರಶಸ್ತಿ ‘ಸಿಗಬೇಕು’ ಎಂದು ಪದೇ ಪದೇ ಹೇಳಿಕೊಂಡಿದ್ದಾರೆ. ಟ್ರಂಪ್ ‘ಏಳು ಯುದ್ಧಗಳನ್ನು’ ನಿಲ್ಲಿಸಿರುವುದಾಗಿ ಹೇಳಿಕೊಂಡಿದ್ದಾರೆ. ಇತ್ತೀಚೆಗೆ ಗಾಜಾ ಒಪ್ಪಂದದಿಂದಾಗಿ ಇದು ಎಂಟನೇ ಯುದ್ಧವಾಗಬಹುದು ಎಂದೂ ಸೂಚಿಸಿದ್ದಾರೆ.

ಇನ್ನೊಂದೆಡೆ ಇಸ್ರೇಲ್, ಆರ್ಮೇನಿಯಾ, ಪಾಕಿಸ್ತಾನ ಮತ್ತು ಅಜರ್ಬೈಜಾನ್ ದೇಶಗಳು ಟ್ರಂಪ್ ಅವರ ನೋಬೆಲ್ ಶಾಂತಿ ಪ್ರಶಸ್ತಿ ಅರ್ಹತೆಯನ್ನು ಬೆಂಬಲಿಸಿವೆ.

H-1B ಉದ್ಯೋಗಿಗಳ ಪರ ನಿಂತ Nvidia ಸಿಇಒ ಜೆನ್ಸನ್ ಹುವಾಂಗ್, 1 ಲಕ್ಷ ಡಾಲರ್ ವೀಸಾ ಶುಲ್ಕ ಕೊಡೋಕೆ ರೆಡಿ! ಚಿನ್ನ, ಯುರೇನಿಯಂ, ಬಾಕ್ಸೈಟ್ ಸೇರಿ ಪ್ರಮುಖ ಖನಿಜ ನಿಕ್ಷೇಪಗಳ ಶೋಧಕ್ಕಾಗಿ ಕರ್ನಾಟಕದ 74 ಸ್ಥಳಗಳಲ್ಲಿ ಬೃಹತ್ ಭೂವೈಜ್ಞಾನಿಕ ಸಮೀಕ್ಷೆ ಆರಂಭ ಇತಿಹಾಸದಲ್ಲಿ ಈ ವರೆಗೆ ಕೇವಲ ನಾಲ್ಕು ಅಮೆರಿಕ ಅಧ್ಯಕ್ಷರು ಮಾತ್ರ ಶಾಂತಿ ಪ್ರಶಸ್ತಿ ಪಡೆದಿದ್ದಾರೆ. ಅವರಲ್ಲಿ ಥಿಯೋಡರ್ ರೂಸ್ವೆಲ್ಟ್, ವುಡ್ರೋ ವಿಲ್ಸನ್, ಜಿಮ್ಮಿ ಕಾರ್ಟರ್ ಮತ್ತು ಬರಾಕ್ ಒಬಾಮಾ ಸೇರಿದ್ದಾರೆ. ನೊಬೆಲ್ ಶಾಂತಿ ಪ್ರಶಸ್ತಿಯು ಒಂದು ಡಿಪ್ಲೊಮಾ, ಚಿನ್ನದ ಪದಕ ಮತ್ತು 1.2 ಮಿಲಿಯನ್ ಅಮೆರಿಕನ್ ಡಾಲರ್ ನಗದು ಬಹುಮಾನವನ್ನು ಒಳಗೊಂಡಿರುತ್ತದೆ. ಈ ಪ್ರಶಸ್ತಿ ಘೋಷಣೆಯು ವೈದ್ಯಕೀಯ, ಭೌತಶಾಸ್ತ್ರ, ರಸಾಯನಶಾಸ್ತ್ರ, ಸಾಹಿತ್ಯ ಕ್ಷೇತ್ರ ಹಾಗೂ ಶಾಂತಿ ಪ್ರಶಸ್ತಿಯನ್ನು ಒಳಗೊಂಡಿದೆ.

2025ರ ನೊಬೆಲ್ ಶಾಂತಿ ಪ್ರಶಸ್ತಿಯನ್ನು ಇಂದು ಸ್ಥಳೀಯ ಕಾಲಮಾನ ಬೆಳಿಗ್ಗೆ 11:00 ಗಂಟೆಗೆ ಓಸ್ಲೋದಲ್ಲಿ ಪ್ರಕಟಿಸಲಾಗುತ್ತದೆ. ಟ್ರಂಪ್‌ಗೆ ನಿರಾಸೆ ಸಾಧ್ಯತೆ? ನೊಬೆಲ್ ಶಾಂತಿ ಪ್ರಶಸ್ತಿ ಘೋಷಣೆಯು ಇಸ್ರೇಲ್ ಮತ್ತು ಹಮಾಸ್ ನಡುವೆ ಕದನ ವಿರಾಮ ಮತ್ತು ಒತ್ತೆಯಾಳುಗಳ ಬಿಡುಗಡೆ ಒಪ್ಪಂದಕ್ಕೆ ಸಹಿ ಬಿದ್ದ ಕೆಲವೇ ಗಂಟೆಗಳ ನಂತರ ಬಂದಿದೆ. ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಶಾಂತಿ ಪ್ರಶಸ್ತಿಗಾಗಿ ಪ್ರಯತ್ನಿಸುತ್ತಿದ್ದರೂ, ಗಾಜಾ ಒಪ್ಪಂದವು ಈ ವರ್ಷದ ನಿರ್ಧಾರದ ಮೇಲೆ ಪರಿಣಾಮ ಬೀರುವ ಸಾಧ್ಯತೆ ಕಡಿಮೆ ಎಂದು ತಜ್ಞರು ಹೇಳಿದ್ದಾರೆ.

ಏಕೆಂದರೆ ನಾರ್ವೇಜಿಯನ್ ನೊಬೆಲ್ ಸಮಿತಿಯು ಈ ವಾರದ ಆರಂಭದಲ್ಲಿಯೇ ತನ್ನ ಆಯ್ಕೆಯನ್ನು ಅಂತಿಮಗೊಳಿಸಿದೆ. ಇತಿಹಾಸಕಾರ ಅಸ್ಲೆ ಸ್ವಿನ್ ಅವರು ಎಎಫ್‌ಪಿಗೆ ನೀಡಿದ ಸಂದರ್ಶನದಲ್ಲಿ, “ಟ್ರಂಪ್ ಈ ವರ್ಷ ಪ್ರಶಸ್ತಿ ಗೆಲ್ಲುವುದಿಲ್ಲ. ನನಗೆ 100 ಪ್ರತಿಶತ ಖಚಿತವಿದೆ” ಎಂದು ಹೇಳಿದ್ದಾರೆ. ಡೊನಾಲ್ಡ್ ಟ್ರಂಪ್ ನಿರೀಕ್ಷೆಗಳೇನು? ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ನೊಬೆಲ್ ಶಾಂತಿ ಪ್ರಶಸ್ತಿ ಪಡೆಯುವ ತಮ್ಮ ಆಸೆಯನ್ನು ಬಹಿರಂಗವಾಗಿ ವ್ಯಕ್ತಪಡಿಸಿದ್ದಾರೆ.

ತಮ್ಮ ಆಡಳಿತದ ರಾಜತಾಂತ್ರಿಕ ಪ್ರಯತ್ನಗಳು ಇಂತಹ ಗೌರವಕ್ಕೆ ಅರ್ಹವಾಗಿವೆ ಎಂದು ಅವರು ಆಗಾಗ ಹೇಳುತ್ತಿರುತ್ತಾರೆ. ಇಸ್ರೇಲ್, ಭಾರತ ಮತ್ತು ಪಾಕಿಸ್ತಾನದಂತಹ ದೇಶಗಳ ನಡುವಿನ ಹಲವಾರು ಅಂತರರಾಷ್ಟ್ರೀಯ ಸಂಘರ್ಷಗಳನ್ನು ತಾವು ಬಗೆಹರಿಸಿದ್ದಾಗಿ ಅವರು ಆಗಾಗ ಹೇಳಿಕೊಳ್ಳುತ್ತಾರೆ. “ಏಳು ತಿಂಗಳಲ್ಲಿ ಏಳು ಯುದ್ಧಗಳನ್ನು ಅಂತ್ಯಗೊಳಿಸಿದ್ದೇನೆ” ಎಂದು ಕೂಡ ಹೇಳಿಕೊಂಡಿದ್ದಾರೆ. ಆದಾಗ್ಯೂ, ತಜ್ಞರು ಟ್ರಂಪ್ ಅವರ ಈ ಹೇಳಿಕೆಗಳ ಬಗ್ಗೆ ಸಂದೇಹ ವ್ಯಕ್ತಪಡಿಸಿದ್ದಾರೆ.

ಬರಾಕ್ ಒಬಾಮಾಗೆ ಸಿಕ್ಕ ಪ್ರಶಸ್ತಿಗೆ ಟ್ರಂಪ್ ಟೀಕೆ 2025ರ ನೊಬೆಲ್ ಶಾಂತಿ ಪ್ರಶಸ್ತಿ ಘೋಷಣೆಯ ಹಿನ್ನೆಲೆಯಲ್ಲಿ, ಅಮೆರಿಕದ ಮಾಜಿ ಅಧ್ಯಕ್ಷ ಬರಾಕ್ ಒಬಾಮಾ ಅವರಿಗೆ ಈ ಗೌರವ ಲಭಿಸಿದ್ದನ್ನು ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ತೀವ್ರವಾಗಿ ಟೀಕಿಸಿದ್ದಾರೆ. ಒಬಾಮಾ “ಯಾವುದೇ ಕೆಲಸ ಮಾಡದೆ” ಪ್ರಶಸ್ತಿ ಪಡೆದಿದ್ದಾರೆ ಎಂದು ಟ್ರಂಪ್ ಆರೋಪಿಸಿದ್ದಾರೆ.ಇಸ್ರೇಲ್ ಮತ್ತು ಹಮಾಸ್ ನಡುವೆ ಐತಿಹಾಸಿಕ ಶಾಂತಿ ಒಪ್ಪಂದವನ್ನು ಏರ್ಪಡಿಸಿದ ತಮ್ಮದೇ ಆದ ಪಾತ್ರವನ್ನು ಟ್ರಂಪ್ ಒತ್ತಿಹೇಳಿದ್ದಾರೆ. ಈ ಒಪ್ಪಂದವು ಒತ್ತೆಯಾಳುಗಳ ಬಿಡುಗಡೆ ಮತ್ತು ಪ್ಯಾಲೆಸ್ತೀನಿಯನ್ ಕೈದಿಗಳ ವಿನಿಮಯವನ್ನು ಖಚಿತಪಡಿಸಿದ್ದು, ಇದು ಒಂದು ಮಹತ್ವದ ರಾಜತಾಂತ್ರಿಕ ಸಾಧನೆಯಾಗಿದೆ ಎಂದು ಅವರು ಹೇಳಿದ್ದಾರೆ.

ಈ ನಡುವೆ, ಗಾಜಾದಲ್ಲಿ ಕದನ ವಿರಾಮ ಮತ್ತು ಒತ್ತೆಯಾಳುಗಳ ಬಿಡುಗಡೆ ಒಪ್ಪಂದವು ನೊಬೆಲ್ ಪ್ರಶಸ್ತಿ ನಿರ್ಧಾರದ ಮೇಲೆ ಪರಿಣಾಮ ಬೀರುವುದಿಲ್ಲ ಎಂದು ತಜ್ಞರು ಹೇಳಿದ್ದಾರೆ. ಏಕೆಂದರೆ ನಾರ್ವೇಜಿಯನ್ ನೊಬೆಲ್ ಸಮಿತಿಯು ತನ್ನ ಆಯ್ಕೆಯನ್ನು ವಾರದ ಹಿಂದೆಯೇ ಅಂತಿಮಗೊಳಿಸಿದೆ. ತರರಾಷ್ಟ್ರೀಯ ಮಾನ್ಯತೆಗಳಲ್ಲಿ ಒಂದಾಗಿದೆ. ಎಷ್ಟು ಜನರ ನಾಮನಿರ್ದೇಶನ? 2025ರ ನೊಬೆಲ್ ಶಾಂತಿ ಪ್ರಶಸ್ತಿಗಾಗಿ ಒಟ್ಟು 338 ಅಭ್ಯರ್ಥಿಗಳು ನಾಮನಿರ್ದೇಶನಗೊಂಡಿದ್ದಾರೆ.

ಇದರಲ್ಲಿ 244 ವ್ಯಕ್ತಿಗಳು ಮತ್ತು 94 ಸಂಸ್ಥೆಗಳು ಸೇರಿವೆ. ಕಳೆದ ವರ್ಷ 286 ನಾಮನಿರ್ದೇಶನಗಳು ಇದ್ದವು, ಆದರೆ 2016 ರಲ್ಲಿ ದಾಖಲೆಯ 376 ನಾಮನಿರ್ದೇಶನಗಳು ಬಂದಿದ್ದವು. 2025ರ ಪ್ರಶಸ್ತಿಗಾಗಿ ನಾಮನಿರ್ದೇಶನಕ್ಕೆ ಜನವರಿ 31 ಡೆಡ್‌ಲೈನ್ ಆಗಿತ್ತು. ಮಧ್ಯಾಹ್ನ 12:20- ಊಹಾಪೋಹಗಳೇನು? ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರಿಗೆ ಶಾಂತಿ ಪ್ರಶಸ್ತಿ ಸಿಗಲಿದೆಯೇ ಎಂಬ ಊಹಾಪೋಹಗಳು ಕೂಡಾ ಹಬ್ಬಿವೆ.

ಟ್ರಂಪ್ ಅವರೇ ಈ ಚರ್ಚೆಗೆ ಕಾರಣರಾಗಿದ್ದಾರೆ. ಆದರೂ, ಹಲವು ಅಂತರರಾಷ್ಟ್ರೀಯ ಶಾಂತಿ ಪ್ರಯತ್ನಗಳಲ್ಲಿ ತೊಡಗಿಸಿಕೊಂಡಿದ್ದರೂ, ಅವರ ಗೆಲುವಿನ ಸಾಧ್ಯತೆ ಕಡಿಮೆ ಎಂದು ನೋಬೆಲ್ ಪ್ರಕ್ರಿಯೆಯನ್ನು ಸೂಕ್ಷ್ಮವಾಗಿ ಗಮನಿಸುವ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.

ಇಸ್ರೇಲ್ ಮತ್ತು ಹಮಾಸ್ ನಡುವೆ ಗಾಜಾದಲ್ಲಿ ನಡೆಯುತ್ತಿರುವ ಎರಡು ವರ್ಷಗಳ ಸಂಘರ್ಷವನ್ನು ಕೊನೆಗಾಣಿಸಲು ಸಹಾಯ ಮಾಡುವ ಕದನ ವಿರಾಮ ಮತ್ತು ಒತ್ತೆಯಾಳುಗಳ ಬಿಡುಗಡೆ ಒಪ್ಪಂದಕ್ಕೆ ಕೆಲವೇ ಗಂಟೆಗಳ ಮೊದಲು ಉಭಯ ಪಕ್ಷಗಳು ಒಪ್ಪಿಕೊಂಡಿವೆ.

ಈ ಒಪ್ಪಂದಕ್ಕೆ ಕಾರಣರಾಗಿದ್ದಾಗಿ ಟ್ರಂಪ್ ಹೇಳಿಕೊಂಡಿದ್ದರೂ, ನೋಬೆಲ್ ಸಮಿತಿಯು ಈ ಒಪ್ಪಂದವನ್ನು ಪರಿಗಣಿಸಿರಲು ಸಾಧ್ಯವಿಲ್ಲ. ಏಕೆಂದರೆ, ಸಮಿತಿಯು ತನ್ನ ಅಂತಿಮ ಸಭೆಯನ್ನು ಸೋಮವಾರವೇ ನಡೆಸಿದ್ದು, ವಿಜೇತರ ಆಯ್ಕೆಯನ್ನು ದಿನಗಳ ಹಿಂದೆಯೇ ಅಂತಿಮಗೊಳಿಸಿದೆ.

“ಗಾಜಾ ಒಪ್ಪಂದವು 2025ರ ವಿಜೇತರ ಆಯ್ಕೆಯ ಮೇಲೆ ಯಾವುದೇ ಪರಿಣಾಮ ಬೀರುವುದಿಲ್ಲ. ಏಕೆಂದರೆ ನೋಬೆಲ್ ಸಮಿತಿಯು ಈಗಾಗಲೇ ತನ್ನ ನಿರ್ಧಾರವನ್ನು ತೆಗೆದುಕೊಂಡಿದೆ” ಎಂದು ಇತಿಹಾಸಕಾರ ಮತ್ತು ಶಾಂತಿ ಪ್ರಶಸ್ತಿ ತಜ್ಞರಾದ ಅಸ್ಲೆ ಸ್ವಿನ್ ಅವರು ಎಎಫ್‌ಪಿ ಸುದ್ದಿಸಂಸ್ಥೆಗೆ ತಿಳಿಸಿದ್ದಾರೆ.

ಸ್ಪಷ್ಟವಾದ ಪ್ರಬಲ ಸ್ಪರ್ಧಿ ಯಾರೂ ಇಲ್ಲದ ಕಾರಣ, ಓಸ್ಲೋದಲ್ಲಿ ಹಲವು ಹೆಸರುಗಳು ಚರ್ಚೆಯಲ್ಲಿವೆ. ಇವರಲ್ಲಿ ಸುಡಾನ್‌ನ ತುರ್ತು ಸ್ಪಂದನಾ ಕೊಠಡಿಗಳು ಸೇರಿವೆ. ಇದು ಯುದ್ಧ ಮತ್ತು ಬರಗಾಲದ ಸಂದರ್ಭದಲ್ಲಿ ನಾಗರಿಕರಿಗೆ ಸಹಾಯ ಮಾಡುವ ಸ್ವಯಂಸೇವಕರ ಜಾಲವಾಗಿದೆ.

ರಷ್ಯಾದ ವಿರೋಧ ಪಕ್ಷದ ನಾಯಕ ಅಲೆಕ್ಸಿ ನವಲ್ನಿ ಅವರ ಪತ್ನಿ ಯುಲಿಯಾ ನವಲ್ನಾಯಾ ಮತ್ತು ಚುನಾವಣೆಗಳನ್ನು ಮೇಲ್ವಿಚಾರಣೆ ಮಾಡುವ ಡೆಮಾಕ್ರಟಿಕ್ ಇನ್‌ಸ್ಟಿಟ್ಯೂಷನ್ಸ್ ಅಂಡ್ ಹ್ಯೂಮನ್ ರೈಟ್ಸ್ ಕೂಡ ಪ್ರಬಲ ಸ್ಪರ್ಧಿಗಳಾಗಿದ್ದಾರೆ. ಅಮೆರಿಕದ ವಿರೋಧ ಎದುರಿಸಬೇಕಾದರೂ, ಜಾಗತಿಕ ಸಮಸ್ಯೆಗಳ ಬಗ್ಗೆ ತನ್ನ ನಿಲುವನ್ನು ಸೂಚಿಸುವ ವಿಜೇತರನ್ನು ಸಮಿತಿಯು ಆಯ್ಕೆ ಮಾಡಬಹುದು. ಕಳೆದ ವರ್ಷದ ಪ್ರಶಸ್ತಿಯನ್ನು ಜಪಾನ್‌ನ ನಿಹಾನ್ ಹಿಡಂಕಿ ಎಂಬ ಸಂಘಟನೆಗೆ ನೀಡಲಾಗಿತ್ತು.

ಇದು ಹಿರೋಷಿಮಾ ಮತ್ತು ನಾಗಾಸಾಕಿ ಬಾಂಬ್ ದಾಳಿಯಿಂದ ಬದುಕುಳಿದವರ ಸಂಘಟನೆಯಾಗಿದ್ದು, ಪರಮಾಣು ಶಸ್ತ್ರಾಸ್ತ್ರಗಳ ವಿರುದ್ಧ ಹೋರಾಡುತ್ತದೆ. ಮಹಾತ್ಮ ಗಾಂಧೀಜಿಗೆ ಹಲವು ಬಾರಿ ನಾಮನಿರ್ದೇಶನ, ಆದರೆ ಪ್ರಶಸ್ತಿ ಬಂದಿಲ್ಲ 20ನೇ ಶತಮಾನದ ಅಹಿಂಸೆಯ ಪ್ರಬಲ ಸಂಕೇತಗಳಲ್ಲಿ ಒಬ್ಬರಾದ ಮಹಾತ್ಮ ಗಾಂಧೀಜಿಯವರು 1937, 1938, 1939, 1947 ಮತ್ತು ಜನವರಿ 1948 ರಲ್ಲಿ ಅವರ ಹತ್ಯೆಗೆ ಸ್ವಲ್ಪ ಮೊದಲು ನೊಬೆಲ್ ಶಾಂತಿ ಪ್ರಶಸ್ತಿಗಾಗಿ ನಾಮನಿರ್ದೇಶನಗೊಂಡಿದ್ದರು. ಆದರೆ ಗಾಂಧೀಜಿಯವರಿಗೆ ಎಂದಿಗೂ ಪ್ರಶಸ್ತಿ ಲಭಿಸಲಿಲ್ಲ. ಏಕೆಂದರೆ ಮರಣೋತ್ತರ ಪ್ರಶಸ್ತಿಗಳನ್ನು ನೊಬೆಲ್ ನಿಯಮಗಳ ಅಡಿಯಲ್ಲಿ ಅನುಮತಿಸಲಾಗುವುದಿಲ್ಲ”