ಸಿಲಿಕಾನ್ ಮರಳು ಅಕ್ರಮ ಸಾಗಾಟ 3 ಲಾರಿ ಮಾಲಕರ ವಿರುದ್ಧ ಪ್ರಕರಣ ದಾಖಲು

ಕಾಪು ಪೊಲೀಸ್ ಠಾಣಾ ವ್ಯಾಪ್ತಿಯ ಮೂಳೂರು ಗ್ರಾಮದ ಎಸ್‌.ಎಸ್‌ ರಸ್ತೆಯ ಬಳಿ ಇರುವ ಪೊಯ್ಯದ ಗುಡ್ಡೆ ಎಂಬಲ್ಲಿಂದ ಸಿಲಿಕಾನ್‌ ಮರಳನ್ನು ಜೆ.ಸಿ.ಬಿ. ಮೂಖಾಂತರ ಮೂರು ಲಾರಿಗಳಿಗೆ ತುಂಬಿಸಿ ಸಿಲಿಕಾನ್‌ ಮರಳನ್ನು ಸಾಗಾಟ ಮಾಡಿರುವುದಾಗಿ ಬಂದ ಮಾಹಿತಿಯಂತೆ  ಗ್ರಾಮದ ಎಸ್‌.ಎಸ್‌. ರಸ್ತೆಯ ಬಳಿ ಇರುವ ಪೊಯ್ಯದ ಗುಡ್ಡೆ ಎಂಬಲ್ಲಿಗೆ ಹೋಗಿ ನೋಡಲಾಗಿ ಸಿಲಿಕಾನ್‌ ಮರಳನ್ನು ಸ್ಥಳದಿಂದ ಸಾಗಾಟ ವಾಗಿರುವುದನ್ನು ಖಚಿತ ಪಡಿಸಿಕೊಂಡು ನಂತರ

ಮೂಳೂರು ಎಸ್.ಎಸ್.‌ ರಸ್ತೆಯಲ್ಲಿರುವ ಸಿಸಿ ಕ್ಯಾಮರಾವನ್ನು ಪರಿಶೀಲಿಸಲಾಗಿ ದಿನಾಂಕ: 01.10.2025 ರಂದು ಸುಮಾರು ಬೆಳಿಗ್ಗೆ 08:30 ಗಂಟೆಯಿಂದ 12:30 ಗಂಟೆಯ ನಡುವೆ KA20AB3474 ಮತ್ತು KL18K8768 ಹಾಗೂ ಇನ್ನೊಂದು ನಂಬರ್‌ ತಿಳಿಯದ ಹಳದಿ ಬಣ್ಣದ ಈಚರ್‌ ಕಂಪನಿಯ ಟಿಪ್ಪರ್‌ ಲಾರಿಯಲ್ಲಿ ವಾಹನದ ಚಾಲಕರು ಸಿಲಿಕಾನ್‌ ಮರಳನ್ನು ತಮ್ಮ ಸ್ವಂತ ಲಾಭದ ಉದ್ದೇಶಕ್ಕಾಗಿ ಸರ್ಕಾರಿ ಸ್ವತ್ತಾದ ಖನಿಜವನ್ನು ಕಳವು ಮಾಡಿಕೊಂಡು ಹೋಗಿ ಅಪರಾಧ ಎಸಗಿರುವುದು ಕಂಡು ಬಂದಿದ್ದು

ಆದುದರಿಂದ KA20AB3474 ಮತ್ತು KL18K8768 ಹಾಗೂ ಇನ್ನೊಂದು ನಂಬರ್‌ ತಿಳಿಯದ ಹಳದಿ ಬಣ್ಣದ ಈಚರ್‌ ಕಂಪನಿಯ ಟಿಪ್ಪರ್‌ ಲಾರಿ ಚಾಲಕರು ಹಾಗೂ ಮಾಲಕರ ವಿರುದ್ದ ಈ ಬಗ್ಗೆ ಕಾಪು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ