15 ತಿಂಗಳಲ್ಲಿ 3 ಪ್ರಶಸ್ತಿ ಗೆದ್ದ ಟೀಮ್ ಇಂಡಿಯಾಗೆ ಬಿಸಿಸಿಐ ನಿಂದ ಕೋಟ್ಯಾಂತರ ರೂಪಾಯಿ ಬಹುಮಾನ

ಅತ್ಯುತ್ತಮ ಫಾರಂನಲ್ಲಿರುವ ಟೀಮ್ ಇಂಡಿಯಾ ಗೆದ್ದ ಮೂರು ಟ್ರೋಫಿಗಳು ಮೂರು ಟ್ರೋಫಿ ಗೆದ್ದ ಟೀಮ್ ಇಂಡಿಯಾಗೆ ಬಿಸಿಸಿಐನಿಂದ ಕೋಟ್ಯಾಂತರ ರೂಪಾಯಿ ಬಹುಮಾನ ಸತತವಾಗಿ ಅಂತರರಾಷ್ಟ್ರೀಯ ಕ್ರಿಕೆಟ್ ಆಡುತ್ತಿರುವ ಭಾರತ, ಏಷ್ಯಾ ಕಪ್ ನಲ್ಲೂ ಗೆಲುವು 15 ತಿಂಗಳಲ್ಲಿ 3 ಪ್ರಶಸ್ತಿ ಗೆದ್ದ ಟೀಂ ಇಂಡಿಯಾ ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ, ರವೀಂದ್ರ ಜಡೇಜಾ ಅವಧಿಯಲ್ಲೂ ಪ್ರಚಂಡ ಫಾರಂನಲ್ಲಿದ್ದ ಟೀಮ್ ಇಂಡಿಯಾ, ತನ್ನ ಅದ್ಭುತ ಫಾರಂ ಅನ್ನು ಮುಂದುವರಿಸಿದೆ. ಈ ಹಿನ್ನಲೆಯಲ್ಲಿ, ಬಿಸಿಸಿಐ  ಟೀಮ್ ಇಂಡಿಯಾದ ಸದಸ್ಯರಿಗೆ ಭರ್ಜರಿ ಬಹುಮಾನವನ್ನೂ ನೀಡಿದೆ. 2013ರಲ್ಲಿ ಭಾರತ ತಂಡ, ಇಂಗ್ಲೆಂಡ್ ನಲ್ಲಿ ನಡೆದ ಚಾಂಪಿಯನ್ಸ್ ಟ್ರೋಫಿಯನ್ನು ಗೆದ್ದಿತ್ತು. ಅದಾದ ನಂತರ, ಲೀಗ್ ಹಂತದಲ್ಲಿ ಚೆನ್ನಾಗಿ ಆಡುವ ಟೀಮ್ ಇಂಡಿಯಾ, ನಿರ್ಣಾಯಕ ಘಟ್ಟದಲ್ಲಿ ಎಡವುತ್ತಿತ್ತು. ಅಲ್ಲಿಂದ ಸುಮಾರು, ಒಂಬತ್ತು ವರ್ಷಗಳ ನಂತರ ಟ್ರೋಫಿಯ ಬರವನ್ನು ನೀಗಿಸಿಕೊಂಡಿತ್ತು.   

ಕಳೆದ ಹದಿನೈದು ತಿಂಗಳಲ್ಲಿ ಟೀಮ್ ಇಂಡಿಯಾ ಮೂರು ಐಸಿಸಿ ಪ್ರಾಯೋಜಿತ ಟೂರ್ನಮೆಂಟ್ ಗೆದ್ದಿತ್ತು. ಆ ಮೂಲಕ, ಕಳೆದ ಸುಮಾರು ಎರಡು ವರ್ಷಗಳಲ್ಲಿ ಟೀಮ್ ಇಂಡಿಯಾ ತನ್ನ ಪ್ರಚಂಡ ಫಾರಂ ಅನ್ನು ಮುಂದುವರಿಸಿಕೊಂಡು ಬರುತ್ತಿದೆ. ಸುಮಾರು ಮೂರು ವರ್ಷಗಳಿಂದ ಆಟಗಾರರು ಬಿಡುವಿಲ್ಲದ ಕ್ರಿಕೆಟ್ ನಲ್ಲಿ ತೊಡಗಿಸಿಕೊಂಡಿದ್ದಾರೆ. ಇದಲ್ಲದೇ, ವರ್ಷ ವರ್ಷ ನಡೆಯುವ ಐಪಿಎಲ್  ಟೂರ್ನಮೆಂಟ್ ಕೂಡಾ ಇರುವುದರಿಂದ, ಸತತವಾಗಿ ಕ್ರಿಕೆಟ್ ದೇಶದಲ್ಲಿ ಮೊಳಗುತ್ತಿದೆ. ಜೂನ್ 1, 2024ರಿಂದ ಐಸಿಸಿ ಪ್ರಾಯೋಜಿತ ಟಿ20 ವಿಶ್ವಕಪ್ ಕ್ರೀಡಾಕೂಟ ಆರಂಭವಾಗಿತ್ತು. ಅಮೆರಿಕಾದ ಡಲ್ಲಾಸ್ ನಲ್ಲಿ ಟೂರ್ನಿ ಶುರುವಾಗಿತ್ತು. ವೆಸ್ಟ್ ಇಂಡೀಸ್ ಮತ್ತು ಅಮೆರಿಕಾದಲ್ಲಿ ಜಂಟಿಯಾಗಿ ಕ್ರೀಡಾಕೂಟ ನಡೆಸಲಾಗಿತ್ತು.

ಭಾರತ ತನ್ನ ಮೊದಲ ಪಂದ್ಯವನ್ನು ಐರ್ಲ್ಯಾಂಡ್ ಜೊತೆ ಆಡಿ, ಎಂಟು ವಿಕೆಟ್ ನಲ್ಲಿ ಗೆಲ್ಲುವ ಮೂಲಕ ಶುಭಾರಂಭ ಮಾಡಿತ್ತು. ಅಚ್ಚರಿಯ ರೀತಿಯಲ್ಲಿ ಅಫ್ಘಾನಿಸ್ತಾನ ಉಪಾಂತ್ಯಕ್ಕೆ ಪ್ರವೇಶಿಸಿತ್ತು. ಇತರ ಮೂರು ದೇಶಗಳೆಂದರೆ, ಭಾರತ, ದಕ್ಷಿಣ ಆಫ್ರಿಕಾ ಮತ್ತು ಇಂಗ್ಲೆಂಡ್. ಭಾರತ ಸೆಮಿಫೈನಲ್ ನಲ್ಲಿ ಇಂಗ್ಲೆಂಡ್ ತಂಡವನ್ನು 68 ರನ್ನುಗಳಿಂದ ಸೋಲಿಸಿ, ಫೈನಲ್ ನಲ್ಲಿ ದಕ್ಷಿಣ ಆಫ್ರಿಕಾವನ್ನು ಏಳು ರನ್ನುಗಳಿಂದ ಸೋಲಿಸಿ, ಟ್ರೋಫಿ ಗೆದ್ದಿತ್ತು. ಟೀಮ್ ಇಂಡಿಯಾಗೆ ಬಂದ ಪ್ರಶಸ್ತಿ ಮೊತ್ತ ಜೂನ್ 2024ರಲ್ಲಿ ಆಡಿದ ಟಿ20 ವಿಶ್ವಕಪ್ ಗೆದ್ದಿದ್ದಕ್ಕೆ – 125 ಕೋಟಿ ರೂಪಾಯಿ ರೂಪಾಯಿ ಫೆಬ್ರವರಿ 2025ರಲ್ಲಿ ಆಡಲಾದ ಚಾಂಪಿಯನ್ಸ್ ಟ್ರೋಫಿ ಗೆದ್ದಿದ್ದಕ್ಕೆ – 58 ಕೋಟಿ ರೂಪಾಯಿ ಸೆಪ್ಟಂಬರ್ 2025ರಲ್ಲಿ ಏಷ್ಯಾ ಕಪ್ ಗೆದ್ದಿದ್ದಕ್ಕೆ – 21 ಕೋಟಿ ರೂಪಾಯಿ ಫೆಬ್ರವರಿ 19, 2025ಕ್ಕೆ ಐಸಿಸಿ ಚಾಂಪಿಯನ್ಸ್ ಟ್ರ‍ೋಫಿ ಆರಂಭವಾಗಿತ್ತು. ಭಾರತ, ಬಾಂಗ್ಲಾದೇಶದ ವಿರುದ್ದದ ಮೊದಲ ಪಂದ್ಯದಲ್ಲಿ ಆರು ವಿಕೆಟ್ ನಿಂದ ಗೆಲುವು ಸಾಧಿಸಿತ್ತು.

ಪಾಕಿಸ್ತಾನ ಮತ್ತು ಯುಎಇನಲ್ಲಿ ಕ್ರೀಡಾಕೂಟ ಆಯೋಜಿಸಲಾಗಿತ್ತು. ಭಾರತ ಮತ್ತು ಆಸ್ಟ್ರೇಲಿಯಾದ ನಡುವಿನ ಮೊದಲ ಸೆಮಿಫೈನಲ್ ನಲ್ಲಿ ಭಾರತ ನಾಲ್ಕು ವಿಕೆಟ್ ನಿಂದ ಗೆಲುವು ಸಾಧಿಸಿತ್ತು. ದುಬೈ ಅಂತರರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆದ ಫೈನಲ್ ಪಂದ್ಯದಲ್ಲಿ ಭಾರತ ತಂಡವು ಬಲಿಷ್ಠ ನ್ಯೂಜಿಲ್ಯಾಂಡ್ ತಂಡವನ್ನು ನಾಲ್ಕು ವಿಕೆಟ್ ನಿಂದ ಸೋಲಿಸಿ, ಪ್ರಶಸ್ತಿ ಮುಡಿಗೇರಿಸಿಕೊಂಡಿತ್ತು. ಭಾರತ ತಂಡವು ಪಾಕಿಸ್ತಾನದಲ್ಲಿ ಆಡಲು ನಿರಾಕರಿಸಿದ್ದ ಹಿನ್ನಲೆಯಲ್ಲಿ, ಭಾರತದ ಪಂದ್ಯವನ್ನು ಯುಎಇನಲ್ಲಿ ಆಯೋಜಿಸಲಾಗಿತ್ತು. ಏಷ್ಯಾ ಕಪ್‌ ಗೆದ್ದರೂ ಭಾರತಕ್ಕಿಲ್ಲ ಟ್ರೋಪಿ; ತಡ ರಾತ್ರಿ ದುಬೈ ಅಂಗಳದಲ್ಲಿ ಆಗಿದ್ದೇನು?, ಇದು ಇತಿಹಾಸದಲ್ಲೇ ಮೊದಲು ಇನ್ನು, ಕೆಲವು ದಿನಗಳ ಹಿಂದೆ, ಭಾರತ ತಂಡವು ಏಷ್ಯಾ ಕಪ್ 2025 ಕ್ರೀಡಾಕೂಟವನ್ನೂ ಗೆದ್ದುಕೊಂಡಿತ್ತು. ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನವನ್ನು ಫೈನಲ್ ನಲ್ಲಿ ಐದು ವಿಕೆಟ್ ನಿಂದ ಸೋಲಿಸಿತ್ತು. ಈ ಟೂರ್ನಿಯಲ್ಲಿ ಪಾಕಿಸ್ತಾನದ ವಿರುದ್ದ ಆಡಲಾದ ಮೂರೂ ಪಂದ್ಯದಲ್ಲಿ ಭಾರತ ಗೆದ್ದಿತ್ತು. ಪಾಕಿಸ್ತಾನದ ಆಟಗಾರರ ಜೊತೆ ಹಸ್ತಲಾಘವವನ್ನು ಭಾರತದ ಆಟಗಾರರು ಮಾಡಿರಲಿಲ್ಲ. ಜೊತೆಗೆ, ಪಾಕಿಸ್ತಾನದ ಸಚಿವ ಟ್ರ‍ೋಫಿ ಕೊಡುತ್ತಾರೆಂದು ಗೊತ್ತಾದ ಬೆನ್ನಲ್ಲೇ, ಅವರಿಂದ ಟ್ರೋಫಿ ತೆಗೆದುಕೊಳ್ಳುವುದಕ್ಕೂ ಭಾರತ ನಿರಾಕರಿಸಿತ್ತು.