“ಸುದೀರ್ಘ ಕಾಯುವಿಕೆಯ ನಂತರ ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ಐಸಿಸಿ) ಅಂತಿಮವಾಗಿ ಚಾಂಪಿಯನ್ಸ್ ಟ್ರೋಫಿ 2025ರ ವೇಳಾಪಟ್ಟಿಯನ್ನು ಪ್ರಕಟಿಸಿದೆ.
ಹೈಬ್ರಿಡ್ ಮಾದರಿಯಲ್ಲಿ ಆಯೋಜಿಸಲಾಗುವ ಈ ಎಲೈಟ್ ಪಂದ್ಯಾವಳಿಯು ಫೆಬ್ರವರಿ 19ರಂದು ಕರಾಚಿಯಲ್ಲಿ ಪಾಕಿಸ್ತಾನ ಮತ್ತು ನ್ಯೂಜಿಲೆಂಡ್ ನಡುವಿನ ಪಂದ್ಯದೊಂದಿಗೆ ಪ್ರಾರಂಭವಾಗಲಿದೆ. ಮಾರ್ಚ್ 9ರಂದು ಫೈನಲ್ ಪಂದ್ಯ ನಡೆಯಲಿದೆ.
ಫೆಬ್ರವರಿ 20ರಂದು ದುಬೈನಲ್ಲಿ ಬಾಂಗ್ಲಾದೇಶ ವಿರುದ್ಧ ಭಾರತ ಚಾಂಪಿಯನ್ಸ್ ಟ್ರೋಫಿಯ ಮೊದಲ ಪಂದ್ಯವನ್ನು ಆಡಲಿದೆ. ಭಾರತ ತನ್ನ ಎಲ್ಲಾ ಪಂದ್ಯಗಳನ್ನು ದುಬೈನಲ್ಲಿ ಮಾತ್ರ ಆಡಲಿದೆ. ಒಂದು ವೇಳೆ ಭಾರತ ಅರ್ಹತೆ ಪಡೆಯದಿದ್ದರೆ ಲಾಹೋರ್‌ನಲ್ಲಿ ಫೈನಲ್ ಪಂದ್ಯ ನಡೆಯಲಿದೆ.
ಒಟ್ಟು 8 ತಂಡಗಳನ್ನು ಎರಡು ಗುಂಪುಗಳಾಗಿ ವಿಂಗಡಿಸಲಾಗಿದೆ.
ಎ ಗುಂಪು ಪಾಕಿಸ್ತಾನ, ಭಾರತ, ನ್ಯೂಜಿಲೆಂಡ್ ಮತ್ತು ಬಾಂಗ್ಲಾದೇಶವನ್ನು ಒಳಗೊಂಡಿದೆ.
ದಕ್ಷಿಣ ಆಫ್ರಿಕಾ, ಆಸ್ಟ್ರೇಲಿಯಾ, ಅಫ್ಘಾನಿಸ್ತಾನ ಮತ್ತು ಇಂಗ್ಲೆಂಡ್ ಬಿ ಗುಂಪಿನಲ್ಲಿ ಸ್ಥಾನ ಪಡೆದಿವೆ.
ಭಾರತವು ತನ್ನ ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನವನ್ನು ಫೆಬ್ರವರಿ 23ರಂದು ದುಬೈನಲ್ಲಿ ಎದುರಿಸಲಿದೆ. 8 ತಂಡಗಳ ಈ ಟೂರ್ನಿಯಲ್ಲಿ 15 ಲೀಗ್ ಪಂದ್ಯಗಳು ನಡೆಯಲಿದ್ದು, ಪಾಕಿಸ್ತಾನ ಮತ್ತು ದುಬೈನಲ್ಲಿ ನಡೆಯಲಿದೆ ಎಂದು ಐಸಿಸಿ ತಿಳಿಸಿದೆ.
ಈ ಟೂರ್ನಿಯ ಪಂದ್ಯಗಳು ಪಾಕಿಸ್ತಾನದ ರಾವಲ್ಪಿಂಡಿ, ಲಾಹೋರ್ ಮತ್ತು ಕರಾಚಿಯಲ್ಲಿ ನಡೆಯಲಿವೆ. ಪಾಕಿಸ್ತಾನದ ಪ್ರತಿ ಕ್ರೀಡಾಂಗಣದಲ್ಲಿ ಮೂರು ಗುಂಪು ಪಂದ್ಯಗಳು ನಡೆಯಲಿವೆ.
ಲಾಹೋರ್ ಎರಡನೇ ಸೆಮಿಫೈನಲ್‌ಗೆ ಆತಿಥ್ಯ ವಹಿಸಲಿದ್ದು, ಮೊದಲ ಸೆಮಿಫೈನಲ್ ದುಬೈನಲ್ಲಿ ನಡೆಯಲಿದೆ. ಭಾರತ ಅರ್ಹತೆ ಪಡೆಯದಿದ್ದರೆ ಮಾರ್ಚ್ 9ರಂದು ನಡೆಯಲಿರುವ ಫೈನಲ್ ಪಂದ್ಯಕ್ಕೂ ಲಾಹೋರ್ ಆತಿಥ್ಯ ವಹಿಸಲಿದೆ.
ಭಾರತ ಫೈನಲ್ ತಲುಪಿದ ಬಳಿಕ ಈ ಪಂದ್ಯ ದುಬೈನಲ್ಲಿ ನಡೆಯಲಿದೆ. ಸೆಮಿಫೈನಲ್ ಮತ್ತು ಫೈನಲ್ ಎರಡರಲ್ಲೂ ಮೀಸಲು ದಿನಗಳು ಇರುತ್ತವೆ. ಮೊದಲ ಸೆಮಿಫೈನಲ್ ಪಂದ್ಯ ದುಬೈನಲ್ಲಿ ನಡೆಯಲಿದೆ.
ಚಾಂಪಿಯನ್ಸ್ ಟ್ರೋಫಿ ಪೂರ್ಣ ವೇಳಾಪಟ್ಟಿ: ಫೆಬ್ರವರಿ 19 – ಪಾಕಿಸ್ತಾನ vs ನ್ಯೂಜಿಲೆಂಡ್ – ಕರಾಚಿ, ಪಾಕಿಸ್ತಾನ.
ಫೆಬ್ರವರಿ 20 – ಬಾಂಗ್ಲಾದೇಶ ವಿರುದ್ಧ ಭಾರತ – ದುಬೈ. ಫೆಬ್ರವರಿ 21 – ಅಫ್ಘಾನಿಸ್ತಾನ vs ದಕ್ಷಿಣ ಆಫ್ರಿಕಾ – ಕರಾಚಿ, ಪಾಕಿಸ್ತಾನ.
ಫೆಬ್ರವರಿ 22 – ಆಸ್ಟ್ರೇಲಿಯಾ ವಿರುದ್ಧ ಇಂಗ್ಲೆಂಡ್ – ಲಾಹೋರ್, ಪಾಕಿಸ್ತಾನ.
ಫೆಬ್ರವರಿ 23 – ಪಾಕಿಸ್ತಾನ ವಿರುದ್ಧ ಭಾರತ – ದುಬೈ.
ಫೆಬ್ರವರಿ 24 – ಬಾಂಗ್ಲಾದೇಶ vs ನ್ಯೂಜಿಲೆಂಡ್ – ರಾವಲ್ಪಿಂಡಿ, ಪಾಕಿಸ್ತಾನ.
ಫೆಬ್ರವರಿ 25 – ಆಸ್ಟ್ರೇಲಿಯಾ ವಿರುದ್ಧ ದಕ್ಷಿಣ ಆಫ್ರಿಕಾ, ರಾವಲ್ಪಿಂಡಿ – ಪಾಕಿಸ್ತಾನ.
ಫೆಬ್ರವರಿ 26 – ಅಫ್ಘಾನಿಸ್ತಾನ vs ಇಂಗ್ಲೆಂಡ್ – ಲಾಹೋರ್, ಪಾಕಿಸ್ತಾನ.
ಫೆಬ್ರವರಿ 27 – ಪಾಕಿಸ್ತಾನ vs ಬಾಂಗ್ಲಾದೇಶ – ರಾವಲ್ಪಿಂಡಿ, ಪಾಕಿಸ್ತಾನ.
ಫೆಬ್ರವರಿ 28 – ಅಫ್ಘಾನಿಸ್ತಾನ vs ಆಸ್ಟ್ರೇಲಿಯಾ – ಲಾಹೋರ್, ಪಾಕಿಸ್ತಾನ.
ಮಾರ್ಚ್ 01 – ದಕ್ಷಿಣ ಆಫ್ರಿಕಾ vs ಇಂಗ್ಲೆಂಡ್ – ಕರಾಚಿ, ಪಾಕಿಸ್ತಾನ.
ಮಾರ್ಚ್ 02 – ನ್ಯೂಜಿಲೆಂಡ್ ವಿರುದ್ಧ ಭಾರತ – ದುಬೈ.
ಮಾರ್ಚ್ 04 – ಸೆಮಿಫೈನಲ್ 1 – ದುಬೈ.
ಮಾರ್ಚ್ 05 – ಸೆಮಿಫೈನಲ್ 2 – ಲಾಹೋರ್, ಪಾಕಿಸ್ತಾನ.
ಮಾರ್ಚ್ 9 – ಫೈನಲ್ – ಲಾಹೋರ್, ಪಾಕಿಸ್ತಾನ.
ಪ್ರಕಟವಾಯಿತು ಚಾಂಪಿಯನ್ ಟ್ರೋಫಿ 2025ರ ವೇಳಾಪಟ್ಟಿ ಫೆಬ್ರವರಿ 19 ಉದ್ಘಾಟನಾ ಪಂದ್ಯಾಟ
