ಬೆಂಗಳೂರು ಸುರಂಗ ರಸ್ತೆ ಯೋಜನೆಗೆ ನಾಲ್ಕು ಕಂಪನಿಗಳು ಬಿಡ್‌ ಸಲ್ಲಿಕೆ

ಬೆಂಗಳೂರು:ಹೆಬ್ಬಾಳದ ಎಸ್ಟೀಮ್ ಮಾಲ್‌ನಿಂದ ಶೇಷಾದ್ರಿ ರಸ್ತೆ, ಶೇಷಾದ್ರಿ ಮಾರ್ಗದಿಂದ ಸಿಲ್ಕ್ ಬೋರ್ಡ್‌ವರೆಗೆ ಸುರಂಗ ಮಾರ್ಗ 16.74 ಕಿ.ಮೀ. ಉದ್ದದ ಸುರಂಗ ರಸ್ತೆಯ ನಿರ್ಮಾಣಕ್ಕಾಗಿ 17,800 ಕೋಟಿ ರೂ. ವೆಚ್ಚದ ಟೆಂಡರ್‌ ಬೆಂಗಳೂರು ಸ್ಮಾರ್ಟ್ ಇನ್ಫ್ರಾಸ್ಟ್ರಕ್ಚರ್ ನಿಯಮಿತ (ಬಿ – ಸ್ಮೈಲ್) ಕರೆದಿದ್ದ ಟೆಂಡರ್‌ನಲ್ಲಿ 4 ಕಂಪನಿಗಳಿಂದ ಬಿಡ್‌ ಬೆಂಗಳೂರು ಸುರಂಗ ರಸ್ತೆ ಯೋಜನೆಗೆ ಕೊನೆಗೂ ನಾಲ್ಕು ಕಂಪನಿಗಳು ಬಿಡ್‌ ಸಲ್ಲಿಕೆ ಮಾಡಿವೆ.

ಹೆಬ್ಬಾಳದ ಎಸ್ಟೀಮ್‌ ಮಾಲ್‌ ಜಂಕ್ಷನ್‌ನಿಂದ ಸಿಲ್ಕ್‌ ಬೋರ್ಡ್‌ವರೆಗಿನ 16.74 ಕಿ.ಮೀ. ಉದ್ದದ ಸುರಂಗ ರಸ್ತೆ ನಿರ್ಮಾಣಕ್ಕೆ ಆಹ್ವಾನಿಸಿದ್ದ ಟೆಂಡರ್‌ನಲ್ಲಿ ಅದಾನಿ ಗ್ರೂಪ್‌ ಸೇರಿದಂತೆ 4 ಕಂಪನಿಗಳು ಬಿಡ್‌ ಸಲ್ಲಿಸಿವೆ. ಬೆಂಗಳೂರು ಸ್ಮಾರ್ಟ್‌ ಇನ್ಫ್ರಾಸ್ಟ್ರಕ್ಚರ್‌ ನಿಯಮಿತ (ಬಿ – ಸ್ಮೈಲ್‌) ಹೆಬ್ಬಾಳದ ಎಸ್ಟೀಮ್‌ ಮಾಲ್‌ನಿಂದ ಶೇಷಾದ್ರಿ ರಸ್ತೆ, ಶೇಷಾದ್ರಿ ರಸ್ತೆಯಿಂದ ಸಿಲ್ಕ್‌ ಬೋರ್ಡ್‌ವರೆಗೆ ಎರಡು ಪ್ಯಾಕೇಜ್‌ಗಳಲ್ಲಿ ಜುಲೈ ತಿಂಗಳಲ್ಲಿ ಟೆಂಡರ್‌ ಕರೆದಿತ್ತು. ಆ ಬಳಿಕ 4 ಸಲ ಟೆಂಡರ್‌ ಅವಧಿ ವಿಸ್ತರಿಸಲಾಗಿತ್ತು. ಅಂತಿಮವಾಗಿ ನವೆಂಬರ್‌ 11ರವರೆಗೆ ಅವಕಾಶ ಕಲ್ಪಿಸಲಾಗಿತ್ತು.

ಅದಾನಿ ಗ್ರೂಪ್‌, ದಿಲೀಪ್‌ ಬಿಲ್ಡ್‌ಕಾನ್‌, ರೈಲ್‌ ವಿಕಾಸ್‌ ನಿಗಮ್‌ ಲಿಮಿಟೆಡ್‌ (ಆರ್‌ವಿಎನ್‌ಎಲ್‌) ಹಾಗೂ ವಿಶ್ವ ಸಮುದ್ರ ಎಂಜಿನಿಯರಿಂಗ್‌ ಕಂಪನಿಗಳು ಬಿಡ್‌ ಸಲ್ಲಿಸಿವೆ. ಬಿಜೆಪಿ ಹಾಗೂ ಇತರೆ ಸಂಘಟನೆಗಳ ತೀವ್ರ ವಿರೋಧದ ನಡುವೆಯೂ 17,800 ಕೋಟಿ ರೂ. ವೆಚ್ಚದ ಸುರಂಗ ರಸ್ತೆ ನಿರ್ಮಾಣ ಟೆಂಡರ್‌ ಪಡೆಯಲು ನಾಲ್ಕು ಕಂಪನಿಗಳು ಬಿಡ್‌ ಸಲ್ಲಿಸಿವೆ. ಸರಕಾರಿ ಸ್ವಾಮ್ಯದ ಆರ್‌ವಿಎನ್‌ಎಲ್‌ ಹಿಮಾಲಯದಲ್ಲಿ 200 ಕಿ.ಮೀ. ಉದ್ದದ ಸುರಂಗ ರಸ್ತೆ ನಿರ್ಮಿಸಿರುವ ಅನುಭವ ಹೊಂದಿದೆ.

ಬೆಂಗಳೂರು ಸುರಂಗ ರಸ್ತೆ: ಯಾವ್ಯಾವ ಮಾರ್ಗ? ಎಲ್ಲೆಲ್ಲಿ ಎಂಟ್ರಿ, ಎಕ್ಸಿಟ್‌? ಟೋಲ್‌ ಎಷ್ಟು? ”ಸದ್ಯ ಸುರಂಗ ರಸ್ತೆಯ ಟೆಂಡರ್‌ನ ಬಿಡ್‌ ತೆರೆಯಲಾಗಿದ್ದು, ದಾಖಲೆಗಳನ್ನು ಪರಿಶೀಲಿಸಲಾಗುತ್ತಿದೆ. ಸದ್ಯದಲ್ಲೇ ತಾಂತ್ರಿಕ ಮೌಲ್ಯಮಾಪನ ಮಾಡಲಾಗುವುದು. ಆನಂತರ ಆರ್ಥಿಕ ಬಿಡ್‌ ತೆರೆದು, ಎಲ್‌-1 ಬಿಡ್‌ದಾರರನ್ನು ಅಂತಿಮಗೊಳಿಸಲಾಗುವುದು,” ಎಂದು ಬಿ-ಸ್ಮೈಲ್‌ನ ತಾಂತ್ರಿಕ ನಿರ್ದೇಶಕ ಬಿ.ಎಸ್‌. ಪ್ರಹ್ಲಾದ್‌ ತಿಳಿಸಿದರು. ಬೆಂಗಳೂರು ಟನಲ್ ರಸ್ತೆ ಯೋಜನೆಗೆ ತಾಂತ್ರಿಕ ಸಮರ್ಥನೆ ಬೆಂಗಳೂರಿನ ಮಹತ್ವಾಕಾಂಕ್ಷೆಯ ಸುರಂಗ ರಸ್ತೆ ಯೋಜನೆಗೆ ಇಂಜಿನಿಯರ್ಸ್ ಸಂಸ್ಥೆಯು ಬೆಂಬಲ ನೀಡಿದೆ.

ಈ ಯೋಜನೆಯು ನಗರದ ಟ್ರಾಫಿಕ್ ಸಮಸ್ಯೆಗೆ ತಾಂತ್ರಿಕವಾಗಿ ಪರಿಣಾಮಕಾರಿ ಪರಿಹಾರ ಎಂದು ಸಂಸ್ಥೆಯು ಹೇಳಿದೆ. ಕೆಲ ನಾಗರಿಕ ಗುಂಪುಗಳು ಮತ್ತು ವಿರೋಧ ಪಕ್ಷಗಳು ಈ ಯೋಜನೆಗೆ ವಿರೋಧ ವ್ಯಕ್ತಪಡಿಸುತ್ತಿರುವಾಗಲೇ, ಇಂಜಿನಿಯರ್ಸ್ (ಇಂಡಿಯಾ) – ಕರ್ನಾಟಕ ರಾಜ್ಯ ಕೇಂದ್ರ (ಐಇಐ – ಕೆಎಸ್‌ಸಿ) ಈ ಯೋಜನೆಯನ್ನು ಸಮರ್ಥಿಸಿಕೊಂಡಿದೆ. ಮಂಗಳವಾರ ಬೆಂಗಳೂರಿನಲ್ಲಿ ನಡೆದ ಚರ್ಚೆಯೊಂದರಲ್ಲಿ, ಸಂಸ್ಥೆಯ ಗೌರವ ಕಾರ್ಯದರ್ಶಿ ಎಂ ಲಕ್ಷ್ಮಣ ಅವರು, ಉಪ ಮುಖ್ಯಮಂತ್ರಿ ಡಿಕೆ ಶಿವಕುಮಾರ್ ಅವರಿಗೆ ಯೋಜನೆಯ ಬಗ್ಗೆ ತಾಂತ್ರಿಕ ಮತ್ತು ವಾಸ್ತವಿಕ ವರದಿಯನ್ನು ಸಲ್ಲಿಸುವುದಾಗಿ ತಿಳಿಸಿದರು.

“ರಾಜಕೀಯ ಹೇಳಿಕೆಗಳು ಮತ್ತು ತಪ್ಪು ಮಾಹಿತಿಗಳ ನಡುವೆ, ನಾವು ಸರ್ಕಾರದ ಮುಂದೆ ತಾಂತ್ರಿಕ ಸಂಗತಿಗಳನ್ನು ಇಡಲು ಬಯಸುತ್ತೇವೆ” ಎಂದು ಹೇಳಿರುವ ಅವರು, ಸುಮಾರು 25 ಹಿರಿಯ ಸಿವಿಲ್ ಇಂಜಿನಿಯರ್ ಗಳು ಚರ್ಚಿಸಿ ಈ ವರದಿಯನ್ನು ಸಿದ್ಧಪಡಿಸಿದ್ದಾರೆ. ಬೆಂಗಳೂರಿನ ತ್ವರಿತ ಬೆಳವಣಿಗೆಗೆ ಸುರಂಗ ರಸ್ತೆಗಳಂತಹ ದೀರ್ಘಕಾಲೀನ ಮೂಲಸೌಕರ್ಯ ಪರಿಹಾರಗಳು ಅಗತ್ಯ ಎಂದರು. “ವಿಶ್ವದ ಅನೇಕ ನಗರಗಳಲ್ಲಿ ಬಹು ಅಂತಸ್ತಿನ ಸುರಂಗ ಜಾಲಗಳಿದ್ದು, ದಿಲ್ಲಿ ಮೆಟ್ರೋ ಕೂಡ ಅನೇಕ ಭೂಗರ್ಭ ಪದರಗಳಲ್ಲಿ ಕಾರ್ಯನಿರ್ವಹಿಸುತ್ತದೆ” ಎಂದು ಲಕ್ಷ್ಮಣ ಹೇಳಿದರು.”