ಬಹುನಿರೀಕ್ಷಿತ 2025ನೇ ಸಾಲಿನ ನೊಬೆಲ್ ಶಾಂತಿ ಪ್ರಶಸ್ತಿ ವೆನಿಜುವೆಲಾದ ಮಹಿಳಾ ಹೋರಾಟಗಾರ್ತಿ ಮಾರಿಯಾ ಕೊರಿನಾ ಮಚಾಡೊಗೆ ಪ್ರಕಟವಾಗಿದೆ

ಸ್ಟಾಕ್‌ಹೋಮ್:  ವೆನೆಜುವೆಲಾದ ಜನರಿಗೆ ಪ್ರಜಾಪ್ರಭುತ್ವದ ಹಕ್ಕುಗಳನ್ನು ಉತ್ತೇಜಿಸುವ ಮತ್ತು ಸರ್ವಾಧಿಕಾರದಿಂದ ಪ್ರಜಾಪ್ರಭುತ್ವಕ್ಕೆ ನ್ಯಾಯಯುತ ಮತ್ತು ಶಾಂತಿಯುತ ಪರಿವರ್ತನೆಯನ್ನು ಸಾಧಿಸುವ ಅವರ ಹೋರಾಟಕ್ಕಾಗಿ ಮಾರಿಯಾ ಕೊರಿನಾ ಮಚಾಡೊ ಅವರಿಗೆ 2025 ರ ನೊಬೆಲ್ ಸಮಿತಿಯು ಪ್ರಶಸ್ತಿ ನೀಡಲಾಗಿದೆ. ಈ ಬಾರಿ ಒಟ್ಟು 338 ವ್ಯಕ್ತಿಗಳು ಮತ್ತು ಸಂಸ್ಥೆಗಳು 2025ರ ಶಾಂತಿ ಪ್ರಶಸ್ತಿಗೆ ನಾಮನಿರ್ದೇಶನಗೊಂಡಿದ್ದರು.

ಮರಿಯಾ ಕೊರಿನಾ ಮಚಾಡೊ ಅವರ ಬಗ್ಗೆ ಮರಿಯಾ ಕೊರಿನಾ ಮಚಾಡೊ ಪ್ಯಾರಿಸ್ಕಾಃ ವೆನೆಜುವೆಲಾದ ರಾಜಕಾರಣಿ ಮತ್ತು ಕೈಗಾರಿಕಾ ಎಂಜಿನಿಯರ್, ಅವರು ವೆನೆಜುವೆಲಾದ ಪ್ರಮುಖ ವಿರೋಧ ಪಕ್ಷದ ವ್ಯಕ್ತಿಯಾಗಿದ್ದಾರೆ. ಅವರು 2011 ರಿಂದ 2014 ರವರೆಗೆ ರಾಷ್ಟ್ರೀಯ ವಿಧಾನಸಭೆಯ ಚುನಾಯಿತ ಸದಸ್ಯರಾಗಿ ಸೇವೆ ಸಲ್ಲಿಸಿದ್ದರು. ನೊಬೆಲ್‌ ಪ್ರಶಸ್ತಿಗೆ ಪಟ್ಟು ಹಿಡಿದಿದ್ದ ಟ್ರಂಪ್‌ ಭಾರತ-ಪಾಕಿಸ್ತಾನ, ಅರ್ಮೇನಿಯಾ-ಅಜರ್ಬೈಜಾನ್ ಮತ್ತು ಇಸ್ರೇಲ್-ಇರಾನ್ ನಡುವಿನ ವಿವಾದಗಳು ಸೇರಿದಂತೆ ವಿಶ್ವದಾದ್ಯಂತ ಏಳು ಸಂಘರ್ಷಗಳನ್ನು ನಿಲ್ಲಿಸಿದ್ದೇನೆ ಎಂದು ಪ್ರತಿಪಾದಿಸಿರುವ ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ತಾನು ನೊಬೆಲ್ ಶಾಂತಿ ಪ್ರಶಸ್ತಿಗೆ ಅರ್ಹನಾಗಿದ್ದೇನೆ ಎಂದು ಪ್ರಶಸ್ತಿ ಘೋಷಣೆಗೂ ಮುನ್ನವೇ ಘೋಷಿಸಿಕೊಂಡಿದ್ದರು.

ಇದಕ್ಕೆ ಪೂರಕವಾಗಿ ಶ್ವೇತಭವನವು ನೊಬೆಲ್ ಘೋಷಣೆಗೆ ಮುಂಚೆಯೇ ತನ್ನ ಅಧಿಕೃತ ಸಾಮಾಜಿಕ ಮಾಧ್ಯಮ ಖಾತೆಯಲ್ಲಿ ಟ್ರಂಪ್‌ ಅವರನ್ನು “ಶಾಂತಿ ಅಧ್ಯಕ್ಷ” ಎಂದು ಪೋಸ್ಟ್‌ ಅನ್ನು ಪ್ರಕಟಿಸಿತ್ತು. ಹೀಗಾಗಿ ಟ್ರಂಪ್‌ ಅವರು ಈ ಬಾರಿಯ ನೊಬೆಲ್‌ ಪ್ರಶಸ್ತಿಗೆ ಫೆವರಿಟ್‌ ಎನಿಸಿಕೊಂಡಿದ್ದರು.

ಅವರ ಉಮೇದುವಾರಿಕೆಯನ್ನು ಹಲವಾರು ಅಂತಾರಾಷ್ಟ್ರೀಯ ನಾಯಕರ ನಾಮನಿರ್ದೇಶನಗಳು ಔಪಚಾರಿಕವಾಗಿ ಬೆಂಬಲಿಸಿದ್ದವು. ನೊಬೆಲ್‌ ಶಾಂತಿ ಪ್ರಶಸ್ತಿಯ ಬಗ್ಗೆ ನೊಬೆಲ್‌ ಶಾಂತಿ ಪ್ರಶಸ್ತಿಯು ವಿಶ್ವದ ಅತ್ಯಂತ ಪ್ರತಿಷ್ಠಿತ ಪ್ರಶಸ್ತಿಗಳಲ್ಲಿ ಒಂದಾಗಿದೆ. ಶಾಂತಿ ಮತ್ತು ಸೌಹಾರ್ದತೆಗಾಗಿ ಮಹತ್ವದ ಕೊಡುಗೆ ನೀಡಿದ ವ್ಯಕ್ತಿ ಅಥವಾ ಸಂಸ್ಥೆಗಳಿಗೆ ಇದನ್ನು ನೀಡಲಾಗುತ್ತದೆ. ಈ ಪ್ರಶಸ್ತಿಯನ್ನು ಸ್ವೀಡನ್‌ನ ಸಂಶೋಧಕ ಮತ್ತು ಉದ್ಯಮಿ ಆಲ್ಫ್ರೆಡ್ ನೊಬೆಲ್ ಅವರ ಇಚ್ಛೆಯ ಮೇರೆಗೆ ಸ್ಥಾಪಿಸಲಾಗಿದೆ.

ನೊಬೆಲ್‌ ಶಾಂತಿ ಪ್ರಶಸ್ತಿಯನ್ನು ನಾರ್ವೆಯ ಸಂಸತ್ತು ಆಯ್ಕೆ ಮಾಡುವ ನಾರ್ವೇಜಿಯನ್ ನೊಬೆಲ್ ಸಮಿತಿ ನೀಡುತ್ತದೆ. 1901 ರಿಂದ ನೊಬೆಲ್‌ ಶಾಂತಿ ಪ್ರಶಸ್ತಿಯನ್ನು ನೀಡಲಾಗುತ್ತಿದೆ. ಅಂತರರಾಷ್ಟ್ರೀಯ ಸಹೋದರತ್ವ, ನಿಂತಿರುವ ಸೇನೆಗಳ ರದ್ದತಿ ಅಥವಾ ಕಡಿತ, ಶಾಂತಿ ಸಮ್ಮೇಳನಗಳ ಸ್ಥಾಪನೆ ಮತ್ತು ಪ್ರಚಾರಕ್ಕಾಗಿ ಹೆಚ್ಚಿನ ಅಥವಾ ಉತ್ತಮ ಕೆಲಸ ಮಾಡಿದವರಿಗೆ ಈ ಪ್ರಶಸ್ತಿಯನ್ನು ನೀಡಲಾಗುತ್ತದೆ. ಮದರ್‌ ಥೆರೇಸಾ, ಮಾರ್ಟೀನ್‌ ಲೂಥರ್‌ ಕಿಂಗ್‌, ಕೋಪಿ ಅನ್ನಾನ್‌, ನೆಲ್ಸನ್‌ ಮಂಡೇಲಾ, ಬರಾಕ್‌ ಒಬಾಮಾ ಸೇರಿದಂತೆ ವಿಶ್ವದ ಖ್ಯಾತನಾಮರು ನೊಬೆಲ್‌ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.

ಇಬ್ಬರು ಭಾರತೀಯರಿಗೆ ಪ್ರಶಸ್ತಿ ಭಾರತದ ಪರವಾಗಿ ಮದರ್ ತೆರೇಸಾ ಅವರು 1979 ರಲ್ಲಿ ಶಾಂತಿ ಪ್ರಶಸ್ತಿಗೆ ಭಾಜನಾರಿದ್ದರು. ಕೈಲಾಸ್ ಸತ್ಯಾರ್ಥಿ ಅವರು 2014 ರಲ್ಲಿ ಮಕ್ಕಳ ಮತ್ತು ಯುವಜನರ ದಬ್ಬಾಳಿಕೆ ವಿರುದ್ಧದ ಹಾಗೂ ಶಿಕ್ಷಣದ ಹಕ್ಕಿನ ಹೋರಾಟಕ್ಕಾಗಿ ಈ ಪ್ರಶಸ್ತಿಯನ್ನು ಪಡೆದರು. ಮಲಾಲಾ ಯೂಸುಫ್‌ಜಾಯ್‌ ಅವರೊಂದಿಗೆ ಪ್ರಶಸ್ತಿಯನ್ನು ಹಂಚಿಕೊಂಡಿದ್ದರು.

ಗಾಜಾ ಯುದ್ಧಕ್ಕೆ ಡೊನಾಲ್ಡ್‌ ಟ್ರಂಪ್ ಶಾಂತಿ ಸೂತ್ರ! ಜಗತ್ತಿನ ಕಣ್ಣು ಈಗ ಹಮಾಸ್ ಮೇಲೆ! ಶಾಂತಿಯೋ? ಬಿಕ್ಕಟ್ಟೋ? ಬಹುಮಾನದ ಮೊತ್ತ ಎಷ್ಟು? ನೊಬೆಲ್‌ ಪ್ರಶಸ್ತಿ ವಿಜೇತರಿಗೆ ನೀಡಲಾಗುವ ಬಹುಮಾನದ ಮೊತ್ತವು ಕಾಲಕಾಲಕ್ಕೆ ಬದಲಾಗುತ್ತಿರುತ್ತದೆ. ಪ್ರಸ್ತುತ ಪ್ರಶಸ್ತಿ ಮೊತ್ತವು 10.38 ಕೋಟಿ ಮೌಲ್ಯದ್ದಾಗಿದೆ. ನಗದು ಬಹುಮಾನದ ಜೊತೆಗೆ, ವಿಜೇತರಿಗೆ ಚಿನ್ನದ ಪದಕ ಮತ್ತು ಪ್ರಶಸ್ತಿ ಪತ್ರವನ್ನು ಸಹ ನೀಡಲಾಗುತ್ತದೆ. ಪ್ರಶಸ್ತಿಯನ್ನು ಒಂದಕ್ಕಿಂತ ಹೆಚ್ಚು ವ್ಯಕ್ತಿಗಳು (ಗರಿಷ್ಠ ಮೂವರು) ಅಥವಾ ಸಂಸ್ಥೆಗಳು ಹಂಚಿಕೊಂಡರೆ, ಬಹುಮಾನದ ಹಣವನ್ನು ಅವರ ನಡುವೆ ಸಮನಾಗಿ ಹಂಚಲಾಗುತ್ತದೆ. ನೊಬೆಲ್ ಶಾಂತಿ ಪ್ರಶಸ್ತಿಯನ್ನು ಕೆಲವೊಮ್ಮೆ ಸಂಸ್ಥೆಗಳಿಗೆ ಸಹ ನೀಡಲಾಗುತ್ತದೆ.”